Sunday, June 8, 2025

HNUAL MAI LO LA, PATHIANAH RINNA NGHAT RAWH

_Tihdanglam Tawh_

- Rick Warren 
- June 08, 2025
_"Ama Fapa ngei pawh zuah lova, kan zaa aia petu chuan thil zawng zawng pawh athlawnin min pe tel lo va ngem ni?"_ (Rom 8:32)

Lungngaihna hi rilru hnualna thlentu ber a ni. I mamawh kha a hun takah i nei thei ang em tih i hriat loh avangin i lungngai ṭhin. Mahse Pathian ni lovin midang hnen aṭanga i mamawh dawng tur anga i inngaih apiangin i lunghnurin i lawm lo ang- a chhan chu he khawvela mi tumah hian i mamawh zawng zawng an pe thei lo che. Pathian chauhin a pe thei che.

Rilru hahna lak ata damna i duh chuan i mamawh nei turin Pathian lam hawi i zir a ngai.

Mi ṭhenkhat chuan an hnaah himna a awm emaw an ti a, an hna an chan rual rualin an rilru a thlabar ṭhin. Ṭhenkhat ve thung chuan an inneihnaah an sahimna an dah a. An kawppui ten an thihsanin emaw, an inṭhenin emaw, "Tunge ka nih le? Engnge ka nihna ni le?" tiin an inzawt ṭhin. I sumah i sahimna i lo dah emaw a ni thei bawk- mahse sum chan theihna kawng tam tak a awm. 

Thil ral leh mai theiah te i himna dah ai chuan bo leh chhe thei ngai lovah chuan innghat zawk rawh: Kristaah chuan. I mamawh phuhruk tur chein Pathian rinna i nghat thei reng.

Rom 8:32-ah chuan heti hian kan hmu, _"Ama Fapa ngei pawh zuah lova, kan zaa aia petu chuan thil zawng zawng pawh athlawnin min pe tel lo va ngem ni?"_ (Rom 8:32)

Pathianin i tana Krista kraws lerah thi tura rawn tir khawpa a hmangaih che anih chuan i mamawh dang zawng pawh pe tur chein a ngaihsak loh che i ring em ni? A pe em em ang che.

I lungngaih dawn apiangin thaw han la zeuh la, _"Lalpa chu min vengtu a ni a, ka tlachham lovang"_ (Sam 23:1) tiin han chham zeuh ṭhin rawh.

Pathianin i mamawh a pe dawn che. A enkawl dawn che. Lungngaia indawm kun mai lovin i mamawh pe tur chein a lam en ṭhin rawh.

Ngaihtuah zui atan.

Mamawh i neihin khawi lam nge i hawi hmasak ber ṭhin?

Vawiin hian engnge i mamawh? Chu i mamawh chu pe tur chein Pathianah rinna i nghat a ni tih engtinnge midangte i hriattir ang?

Pathianin a thu kaltlanga thu min tiam te a rin ngam a ni tih engtinnge i hriat?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...