Isuan I Nun A Tihharh Leh Dan
- Rick Warren
- April 19, 2025
"Pathian hmangaihna, Lalpa Isua Kristaa lantir lak ata chu engmahin min ṭhen thei lovang." (Rom 8:39, TLB)
Engpawh ti la Pathianin a hmangaihna che i titawp thei ngai lovang.
I tum ṭalh a ni mai thei, mahse i hlawhtling lovang - a chhan chu a hmangaihna hi i thiltiha innghat a ni lo tlat. A nihnaa innghat a ni a, tawp chin awm lova hmangaih che a intiam a ni.
The Living Bible chuan heti hian a letling, "Engmahin a hmangaihna ata min ṭhen hrang thei lo. Thihnain a thei lo, nunna pawhin a thei lo. Angelten an thei lo a, hremhmun thiltihtheihna zawng zawng pawhin Pathian hmangaihna a dah bo thei lo. Vawiina kan hlauhzawng te, naktuk atana kan lungkham thil te, kan awmna - vansang boruak emaw tuifinriat hnuai emaw pawh nise - Pathian hmangaihna, Lalpa Isua Kristaa lantir lak ata chu engmahin min ṭhen thei lovang." (Rom 8:38-39, TLB)
I nunah eng natna nge i tawh ka hre miah lo. Tihduhdah i tuar a ni mai thei. Tuin emaw a hnawl emaw a nawr chhuak che emaw a ni thei. Halral a meikhu anga zam ral vek ang pawhin i inngai a ni thei e.
Hun kal tawh, tun hun leh hmalam hun atan Isua Krista chauh lo chuan tumahin beiseina an pe thei lo che.
Hun rei tak chhung chu engtinnge miin Pathianin thuk tak maia a hmangaihzia se reng si a an kal bosan mai thei hi mak ka ti hle. Mahse mi sang chuang ka kawm hnuah ka hre ta. Chapona vang emaw luhlul vang emaw, inzir fin vang emaw niin a lang mai thei, mahse a ni hauh lo.
Hlauhna avangin miin Pathian an kal bosan ṭhin.
Hlauhnain thununna lak ata chhuak turin min tur ṭhin. Hlauhna hian mi tu emaw chunga rinna kan nghah chuan kan la tlu ang min ti ṭhin. Hlauhna hian kan hmuh theih hauh loh chunga rinna nghat lo turin min ti ṭhin.
Bible chuan heti hian a ti, "Hmangaihnaah chuan hlauhna reng a awm lo: hmangaihna famkimin hlauhna a hnawt chhuak zawk thin a ni." (1 Johana 4:18)
Engtinnge Pathian hmangaihna i lo dawn ang? Engtinnge ke i pen hmasak ber ang? Thil harsa lo te a ni. I hlauhna dah boin.
Pathian hmangaihnaa venhim ni tura siam i nihna ropui em em hi tichhe turin hlauhna inhnehtir suh.
Ngaihtuah zui atan.
I hlauhna tibo turin Pathian hnenah engnge i sawi theih ang?
Tunah hian engtinnge Pathianin a hmangaihnaa i hahchawlh a duh?
Engvangin nge hmangaihna famkim kan mamawh?
Pathian hmangaihna pawma i thinlunga cheng turin Isua i sawm tawh em?
I la sawm lo anih chuan tunah hian ka sawm a che. He ṭawngṭaina hian bul ṭan rawh le:
"Lalpa, i lakah thil sual tiin i hmangaihna dawng tlak ka ni lo tih ka hria e. Mahse min hmangaih em avangin ka tana thi turin Isua i rawn tir tih ka hria. Amah chu ka ring a, amah kaltlangin chatuan nunna ka nei thei tih ka hria e. Khawngaihin ka sual te ngaidam ang che. Isua chu ka Lal leh Chhandamtuah ka pawm a, ka nunna a hnenah ka hlan e. Min hmangaih avangin, min chhandam avangin, leh bul ṭan thar min phalsak avangin ka lawm e. Isua hmingin, Amen."
Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.
[Lettu: Mapuia Fanai]

No comments:
Post a Comment