_Hmangaihna Thumal Ropui Pasarih_
- Rick Warren
- April 07, 2025
_"Ani chuan thim thuneihna laka min chhan chhuakin, a Fapa hmangaih taka ramah chuan min kaitir ta a."_ (Kolossa 1:13)
Krawsah khan Isuan i nunna leh chatuan hmun atana Setana thiltihtheihna a tichhe vek a ni. Isuan, _"A kin ta"_ (Johana 19:30) a tih khan Setanan, "Tihchhiat ka ni ta" a lo ti ve tur hial a ni. A nite chhinchhiah vek a ni.
Isuan thihna leh Setana chungah hnehna a chang a. Mahse i nunah Krista thiltihtheihna i neih loh chuan sual lakah inhumhimna i nei lo tihna a ni. Setana chuan i rilru sukthlek thunun dan a thiam a. I rilru a chawk buai thei. Engpawh a ngawl a veitir thei che. Krista tel lo chuan thiltihtheihna i nei lo!
Setana hmanrua duh em em mai pahnih a nei: thlemna leh thiam loh chantirna.
Thlemna hmangin sual lian tak kha te tak te angah a chhuah: engmah a ni hleinem! Mi zawng zawngin an ti vek alawm! Pathian ai tihlimtu che i hria! Setana hian ring taka thu a sawi a ngai lo. I rilruah khing ngaihtuahna ang te khi a tuh mai a ni.
Chutiang thil sual i tih chiah chuan Setanan a tih dan thlak hlawkin inthiam lohna/ thiam loh inchantirnaah a hruai lut che. Sual kha tite lovin a tilian ta vak thung a: Hetiangin i ti a ni maw! Min tifiam mai mai em ni? Pathianin a hmagaih tawh ngai lovang che. A tawp ta. Pathianin a hmang thei tawh lovang che. Hei hi a lian lutuk a- ngaihdam theih i ni tawh lo tiin.
Setanan a thlem hmasa phawt che a. Tichuan thiam loh a chantir che a ni. A thil ruahman dan hi i hmu em? Thil sual i tih hmain ho te angin a lantir a, suala i tluk luh ve leh lian tak angin a lantir leh ṭhin.
Krawsah khan Isuan thlemna leh thiam loh chantirna a hneh tawh. Thlemna thiltihtheihna a hneh a, do thei turin chakna a pe che: "Ani chuan thim thuneihna laka min chhan chhuakin, a Fapa hmangaih taka ramah chuan min kaitir ta a."_ (Kolossa 1:13)
Isuan i chunga thiam loh chantirna thiltihtheihna pawh a hneh. Setanan a hekna chein awmzia a neih tawh lo, a chhan chu Bible-in heti hian a ti, _"Isua Kristaa awm te tan chuan thiam loh chantirna reng a awm tawh lo"_ (Rom 8:1). Pathian khawngaihna lantirna i ni, chuvangin Setana hekna che khan hmun a chang lo. Tlen fai i ni tawh a. Isuan sual man a thai chhe tawh a. Isuan ba a be tlak tawh a. Isuan dikna a lantir tawh
Isua thihna leh thawhlehna kha Setana hnehna a ni.
Isua Krista neitu i nih tawh chuan i nunah Setanan hmun a chang tawh lo, hmun i kian anih ngawt loh chuan. Setana thlemna leh thiam loh chantirna tura hmun i pek chuan i nunah kawngka zau tak i hawnsak tihna a ni. Mahse hmun i ken loh chuan a khawih thei lo che.
Pathian thiltihtheihna i neih chuan Setanan a tina thei lo ang che. _"In nunna chu Pathianah chuan Krista hnenah thuhrukin a awm si a"_ (Kolossa 3:3), venhim i ni. Setana i ngaihthlak a ṭul lo. "Aih" tih theihna i nei.
Ngaihtuah zui atan.
Engtinnge Setanan mi nawlpui ngaihdan hi sual tihtet nan a hman?
Eng kawngtein nge Thlarau Thianghlimin thlemna do thei tura thiltihtheihna a pek che?
Engtinnge Pathian thu hriatna hian thlemna leh thiam loh chantirna lakah a puih che? Vawiin hian Pathian thu hre leh zual turin engnge i tih ang?
[Lettu: Mapuia Fanai]
No comments:
Post a Comment