_Hmangaihna Thumal Ropui Pasarih_
By Rick Warren
— April 04, 2025
“Intlânsiaknaa tel tûrte chu kawng engkimah an insûm ṭhîn, chawimawina lukhum chhe mai thei hmu tûrin an bei a, keini erawh chuan chawimawina lukhum chhe thei lo hmu tûrin kan bei a ni. Chutiang tak chuan kei pawh pan nei rânin ka tlân a, boruak mai hnek lovin keimah ka inhnek ṭhîn.” [I Korinth 9:25-26]
Intlansiaknaah i tel tih i hria em?
Bible chuan I Korinth 9: 24-26 ah hetiang hian a sawi, “Intlânsiakho chu theihtâwp chhuahin an tlân ṭhîn a; mahse, pakhat chauhvin lâwmman a hmu ṭhîn tih in hre lâwm ni? Chutiang chuan lâwmman hmu ngei tûrin tlân rawh u. Intlânsiaknaa tel tûrte chu kawng engkimah an insûm ṭhîn, chawimawina lukhum chhe mai thei hmu tûrin an bei a, keini erawh chuan chawimawina lukhum chhe thei lo hmu tûrin kan bei a ni. Chutiang tak chuan kei pawh pan nei rânin ka tlân a, boruak mai hnek lovin keimah ka inhnek ṭhîn,” tiin.
Intlansiaknaa i tlan lai chuan a sira i tlan emaw kawng sira i inbilh palh emaw chu ka duhsak hauh lo che. A tawp thlenga i tlan leh lawmman i lak ngei chu ka duhsak takzet che a ni.
Sipai nun emaw, infiammi emaw chuan zirlai pawimawh tak tak kan zir ngei tur min hlui a ni.
*1. Hnehtu nih i tum tur a ni*
Ringtu satliah leh ringtu inpekna thuk tak an danglamna lai tak chu a ni. Golf khel thiam tak leh golf khel satliah chuan danglamna an nei em? Aw. Golf khel thiam chuan hnehtu nih a tum a. Golf khel satliah chuan intihhlimna leh hun khawhralna atan a khel mai a ni. An danglamna lai tak chu an tih tak takna lai chu a ni.
I nunah hnehna i chang dawn a nih chuan tihpalh thilthuin emaw tumna mumal nei lo emaw chuan a ni ngai lo vang. Pathianin a siam ang tak mihring nih tumna tak tak chu i lo nei reng em?
*2. Nangmah i inthunun a ngai*
Infiammi satliah chu eizawnna khawp thiam [professional] an ni ngai lo insawizawina [training]" tel lo chuan. Puitlinna kawngah chuan kawng awlsam a awm lova. Ropuina thleng turin pumpelh a awm hek lo.
Pathian nena hun tam zawk in hman theihna tur chuan engnge kalsan tur i neih, pe chhuak tam la, rawngbawlna kawngah in hmang la, Pathian mi duh ang chu lo ni zual zel ang che.
*3.* *Lawmman chu thlir tlat ang che*
A tawpah lawmman a awm dawn a ni tih i hriat ngat chuan hrehawmin nuam lo pawh ni se nangmah leh nangmah inthununna kawngah chuan i bei fan fan ang.
Hebrai 12: 2 hi lehlin ṭhenkhatah chuan hetiang hian kan hmu, “Isua lam chu en la, he kan intlansiak kawng ang lo zawh a, lo tlanchhuak ve tawhtu chu. A chhan chu a hma lama thil awm chu a hmuh hmaih ngai miah lo – a tawpa hnehna lawmawm tak leh Pathian chu – a kawnga harsatna hrang hrang lo awm theite chu a tuar ta mai zel a ni: kraws, zahna, eng pawh. Tunah chuan a lo awm ta, Pathian dinglamah chuan zahawm takin.”
Lawmman awm chu thlir fan fan rawh: chatuan hun Isua nena hman tur chu!
Ngaihtuah zui atan.
I hnathawhpui emaw school kalpui thian te chuan ringtu inpe tak angin nge an hmuh ang che ringtu satliah angin?
I nun khawi laiah khan nge mahni inthununna nasa zawk i mamawh?
“Isua lam en tlat” tur chuan eng thil nge i tih ngai le?
[ *Lettu:* Peka]
No comments:
Post a Comment