_Hmangaihna Thumal Ropui Pasarih_
By Rick Warren
— March 20, 2025
“Mi â chu vui reng chungin a thi a,
Mi mâwl chu îtsîk nei reng chungin a boral ṭhîn.” [Job 5:2]
I thinrimna i chhemalh a nih chuan chu chuan thil dang zawng zawng aiin a tina ang che. Thinrimna chu amah leh amah a inbei a, amah leh amah a ineichhe ṭhin.
Thinrimna chuan awmzia tak tak a nei thei lo.
Mi tupawhin thinrimna chhan a nei dawn a nih ngai chuan Joba khan a nei lehzual ang. Pathian mi niin a duh duh engkim a nei kim a – sum, hmingthanna leh chhungkaw ropui a nei vek. Ni khat chu, a chan ta vek a ni. An hmelmaten a ran rual an that a. Thlipui rapthlak tak maiah a fate a chan ta vek a. Amah pawhin natna rapthlak tak a tuar zui nghal a.
A thil neih zawng zawng a chan vek a, a nupui tih loh chu, chu hun thim rapthlak tak maiah chuan, a nupui chuan, “Engah nge Pathian sawichhiaa i thih ve mai loh?” a la ti cheu. [Job 2:9]
A ṭhian eng emawzat an lo kal a, “Joba, nangma thiam loh vek a nih kha,” an la ti zui.
Mahse thurawn leh anchhe hrang hrang karah chuan a ṭhian pakhat chuan finna thu a chah thung. Ani chuan thinrimna chu thil dik lo a ni tiin a chah mawlh mawlh a. Joba hnenah chuan, “Mi â chu vui reng chungin a thi a,
Mi mâwl chu îtsîk nei reng chungin a boral ṭhîn,” tiin a sawi thung [Job 5: 2]
Joba ṭhian kha a fing a ni. Rilru natna thuk ber a paltlang lai pawhin thinrimna chu a ṭangkai dawn hauh lo tih a hria. Dik tak chuan, thil a tichhe zawk zel dawn tih a sawi.
I nun kha i thlir kir ve a nih chuan chu ngaihdan chu i pawmpui ngei ang. I thinrim chang chuan a hnua i inchhirlehna thil i lo ti tawh ngai em? “Ka va hmachhawn leh ngat teh ang” tiin i lo inhrosa tawh mai thei. Tichuan thil atthlak tak i lo ti ta a ni.
Thinrimnaa thil eng pawh i ti a nih chuan nangmah leh nangmah i intichhe mek tihna a ni. I insum hram hramna ai zawng zawng kha i intichhe ta a ni. Thinrimna chuan a tichhia che. I duh zawng tak thil a neihtir ngai lo vang che.
Eng vangin nge thinrimna chu minute khat chauh pawh i neih tehlul ang? Vawiin hian i thinrimna chu paih bo rawh. Ngaihdamna chu thlang la, ngaihdamnain a ken tel zalenna chu neih tum ang che.
Ngaihtuah zui atan.
Engtin nge thinrimna chuan nangmah leh i mi hmangaihte nun a tihchhiat theih?
I thinrimna i paih bo hnu chuan, chu nun chuan engtin nge nun tha zawk a neihtir theih che?
I nuna thinrimna chambang tibo tur khan i hun liam tawha eng natna kalsan ngai ang?
Eng ang pawhin lo awm tawhin khawi hmunah pawh lo awm tawh la, Pathian chatuan chhungte chuan nghaktu leh thlir rengtu i nei e. Sawmna chu zau taka hawn a ni e. Ring la chang mai rawh.
I inpeih tawh em? He ṭawngṭaina hmang hian bul ṭan ang che: “Lalpa duh tak, ka thih hun chuan ka nun chungchang ka la sawi dawn tih ka hria. I lakah thil sual ka lo ti tawh tih ka hria a, keima ruahmanna nangma duh dan ni lo ang chuan ka lo khawsa tawh ṭhin. Chu chu thlak danglam ka duh a, a thara bul ṭan leh ka duh a ni. Sual kalsana i lam pana kal chu ka duh e.
Ka thil sual tih zawng zawng avanga hremna chu kei thi tur hian Isua zara ka pumpelh avangin lawmthu ka hrilh a che. I ngaihdamna chu ka phu lo tih ka hria. I khawngaihna chauh chuan min chhan thei tih ka hria, Lalpa. Hmun famkimah chuan lut turin ka famkim ngai dawn lo tih ka hria.
“Isu, min hmangaih em avangin ka sualna zawng zawng chu i lo phur ta a, lawmthu ka hrilh a che. Vanram kai tlakin min siam a, min chhandam turin ka ngen a che. Isu, nangmah chu ka ring a che. Min chhandam nghal a, chiang taka min chhandam a, chhandamna famkim min pe a, chatuan atana min chhandam thei a ni tih ka hria. Isua hmingin ka dil a che. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment