_Hmangaihna Thumal Ropui Pasarih_
Rick Warren
24 March 2025
“Tin, Pathian hmangaihtu, ama ruat anga a kohvate tân chuan, an ṭhatna tûrin engkimin a thawhsak hlawm ṭhîn tih kan hria;”
ROM 8:28
"Ngaidam la, theihnghilh rawh" tih thu hi i hre fo tawh ang. Thil buaithlak pakhat awm erawh chu, i theih loh tur a ni. Thil theih loh a ni.
I nunna natna awm kha i theihnghilh thei lo. A nihna takah chuan, tum chhin pawh hian awmzia a nei lo. A chhan chu i tum poh leh, i theihnghilh tum kha i ngaihtuah tulh tulh ang.
Thil dik tak chu, Pathian pawh hian theihnghilh tur hian a duh kher lo che. Chu aiah chuan, amah ring a, chu natna atanga thil tha chhuah tir a duh che a ni. Chu chu theihnghilh aiin a pawimawh. Dinhmun harsa atanga thil tha Pathianin a thlen tir i hmuh chuan, a thiltih tha tak avang chuan lawmthu i hrilh thei dawn a ni. I thil theihnghilh avang erawh chuan i hrilh miah lovang.
Rom 8:28ah chuan, “Tin, Pathian hmangaihtu, ama ruat anga a kohvate tân chuan, an ṭhatna tûrin engkimin a thawhsak hlawm ṭhîn tih kan hria;” a ti a.
Engkim hi a tha e a ti miah lo, a chhan chu engkim hi a tha lo a ni. Natnate hi a tha lova. Inzawmna chhiate hi a tha lova. indote a tha lova. Mi chunga tha lo taka tihte a tha lo bawk.
Kan nunah thian thil tha lo tam tak a awm. He khawvela thil thleng zawng zawng hi Pathian duhthusam a ni bik kher lo.
Mahse Pathian chuan amah i rin chuan buaina karah pawh thil tha ber par chhuah tir a duh tih a sawi a. A hnen panin, "Lalpa, ka nun them engkim hi i hnenah ka pe a che" han ti la.
I them zawng zawng chu lakhawmin, thinlung thar a pe zawk ang che. Chu hahdamna chu - i ngaihdam theih loh zia te, i nunna natna i tawh i hriatthiam loh lai pawhin a lo thleng ang, a chhan chu i natna chu i thatna turin a hmang dawn a ni.
Miin i nuna thil tha lo an tih kha i theihnghilh a ngai kher lo. I tum pawhin i thei hek lo. Mahse Pathian chuan theihnghilh kher a tul love a ti a. I ngaihdam a, i natna atanga Pathianin thil thaa thlen tur chu lo nghak zawk mai ang che.
Ngaihtuah zui atan...
Theihnghilh theih loh i neih avanga i ngaihdam theih loh tunge awm?
Vawiin hian i ngaihdama hmalam i pan theihna turin engnge i tih ngai le? Pathianin i theihnghilh a phut lo che tih i hriat khan a pui che em?
Nun harsatna karah Pathianin thil tha a thlen i hmu tawh ngai em?
(lettu: Msa)
No comments:
Post a Comment