_Hringnuna Damna Rahbi_
Rick Warren
3 March 2025
“mahni ta ta/hlawkna mai en lovin, mi dang ta(n) pawh en ṭheuh zâwk rawh u.”
PHILIPPI 2:4
Mahni hmasialloh hian miteah an tha lai ber a phochhuak thin. Inlaichinna a siam a. Mahni hmasialloh awmzia chu engnge ni le? Midang i ngaihtuah tam a, nangmah lam i ngaihtuah tlem thung.
Mahni hmasialloh letling chiah chu mahni hmasial kha a ni mai a. Buaina leh inhnialna bul hmasa ber a ni fo. Bible chuan, “In zînga indona leh inhnialnate hi khawi aṭanga lo chhuak nge ni? In taksa pêngahte indona siam ṭhîntu, in duh zâwng aṭangte chuan lo chhuak a ni lo vem ni? In châk a, in nei si lo va; tual in that a, in awt a, in nei thei si lo va: in inhnial a, in indo va; in dîl loh avângin in nei lo va.”
(JAKOBA 4:1-2 ) a ti a.
Mahni inngaih pawimawh lutukna hian midang nen kan inkar a tichhe thin.
Tum khat chu Kay-i aiin second thum velin khumah ka mu hmasa a. A mut ve chuan kawngka ka kalh kim leh kim loh min zawt a. Mahse chumi second thum chhung chuan ka muhil der a, zawite hian "aih" ka ti se se a. Tichuan a tho a, kawngka zawng zawng ava kalh tha leh a ni. Ka awmdan sawifiahna mawlmang leh fiah deuh a awm- mahni hmasialna.
A buaithlak lai chu, mahni hmasial hi mihring nihphung a ni a. Kan tuipui zawngte, ka natna te, nan lan dan te, kan hriat dante kan ngaihtuah hmasa fo thin. Kan khawtlang pawh hian, "I tana tha ber tura i ngaih ti rawh" tiin min zirtir fo a nih hi. Mahse Bible chuan, "mahni ta ta/hlawkna mai en lovin, mi dang ta(n) pawh en ṭheuh zâwk rawh u.”
(PHILIPPI 2:4 ) a ti a ni.
Midangte tan i han ensak ve khan engnge thleng? In inkar a siamtha a ni mai lova, mimal nun pawh a siamtha tel thin. I danglam khan midang pawh an dang ve zel ang. A chhan chu nangmah a danglam kha an rawn zawm a ngai a, kawng dang a thlen a ngai thin.
Hetiang hian vawi tam ka hmu tawh: mi ngainat har tak takte dawhtheihna nena i dawr hian, mi fel zawkah a siam fo thin.
Hringnuna zirlai ropui ber chu mahni hmasialoh zirhi a ni, mahse zankhat thil thuah erawh a thleng lovang. I damchhung a ngai dawn a ni.
Thu lawmawm deuh chu, chumi zir tur chuan Pathian hian a kalsan lo che tih hi. Rom 8:26ah chuan, "Thlarau Thianghlim chuan kan chaklohnaah te min tanpui thin" (NLT) a ti a.
Mahni hmasial lo tura i theihtawp chhuah kha bansan suh. Mahni hmasialna tichhe tura pui tur chein Thlarau Thianghlim chu a awm reng a. Chutianga i tih chuan nangmahah danglamna tam tak i hmu thei ang.
Ngaituah zui atan...
I nuna midang nen in inzawmna hrang hrang han ngaihtuah ta la. Chungah chuan mahni hmasial taka i awmnate han sawi teh?
I tihduhloh hmel deuh mahni hmasial lo taka i tih theih engnge awm le?
I phuloh lai khan miten i chungah mahni hmasial miah lovin thil eng emaw an ti tawh em? Engtin nge a khawih che?
(Lettu: Msa)
No comments:
Post a Comment