Thursday, March 27, 2025

ISUAN A HMANGAIH ANGA HMANGAIH

_Hmangaihna Thumal Ropui Pasarih_

By Rick Warren
— March 27, 2025
“Intihsâwt tawn nân mahni vêngte tilâwmin an tâna ṭha tih i tum ṭheuh vang u.’” [Rom 15:2]

Lirthei khalha i tlan laiin i lirthei ke a chhia a, mi tute pawh an buai em avangin dingin an ṭanpui kher lo vang che. Anmahni tawkah an buai lutuk vekin emaw an pawimawh lutuk nangmah ṭanpui tur che chuan. 

Chungte chu Pathian ram thil ni lovin khawvel tehna zawk an ni. Isua chuan ropui i duh a nih chuan mi zawng zawng chhiahhlawhah i awm tur a ni tiin min zirtir thung. Midang ṭanpuina atana i inhmang tam zel a nih chuan Pathian ramah chuan i lo ropui zual zel ang. 

Kum rei lote liam taah khan, ka nupui hi hun bi chilh tak takah ṭum li lai mai thusawina hun tur a nei a. A thusawina vawi khatna a tlak chu a rawn chau haw em em nghal a. Mahse a lo thleng chiah chokaah lutin ei rel a buaipui a, kan ṭhenawm chhungkua buaina neite tan chuan ei in a siamsak mawlh mawlh mai a ni. Pawimawh em em pawhin a inhre lem lo. A hahna chu dah ṭhain midangte ṭanpuina atan a inbuatsaih nghal mai a ni. Chutiang chuan vawi eng emaw zat a lo che tawh ṭhin – a chhan chu Isua ang nih chu a duh a ni. Midangte rawngbawlsak a duh a ni. 

Isua ang tih chu eng nge a awmzia ni ber? Bible chang khi lehlin ṭhenkhatah chuan hetiang hian a inziak, “Mi tinte hian kan kiang vela khawsa hnenah chuan, “Engtin nge ka tanpui theih ang che” tiin an mamawh kan ngaihtuahsak tur a ni,” tiin a sawi. [Rom 15: 2] 

Dik tak chuan, Isua rawngbawlsak dan kawng khat chu amah Isua ngei kan tihsak ang ngeia midangte rawng bawlsak chu a ni. Isua chu natna leh hliam tuar angin in ṭhenawm leh chhehvelah chuan a inlar ṭhin ang tih ngaihtuah ang che. Thawhṭanah chuan coffee dawrah a lo awm palh thei a. Football mualah pawh a lo awm zawk thei bawk. Thil lei tura i intlar laiin i hnungah a lo ding reng thei bawk ang. Rilru hliama awm pawn lam lan dana mi ngeiawm ber pawh a lo ni thei tho. Isua chu rawng i bawlsak duh a nih chuan i kiang vela natna neite chu ngaihven hmasa ang che. 

Living Bible chuan hetiang hian a sawi bawk, “Pathian fate chuan mamawh an nei a nih chuan anmahni ṭanpuitu chu lo ni ang che. Mite i ina chaw eia sawm chu ching la, thlenna an mamawh chuan thleng bawk ang che.” [Rom 12: 13]

In kohhranah, vengah, leh chhungkuaah chuan nupui pasalte nena inṭhen ei in dapna kawnga harsa vek tak an awm thei ang, hmeithai an in reh taka khawhar taka khawsa, zirlai buai em em an awm thei ang. 

Isuan anmahni a hmangaih ang chuan anni chu engtin nge i hmangaih theih ang? 

Ngaihtuah zui atan

Isua khan chhiahhlawh nun kha engtin nge a nunah a lantir? 

Miten Isua hmangaihna chu an thiltih hmangain engtin nge an tihlan? 

Mi tute emaw natna nei chu han ngaihtuah teh. Chu mi chu amah hmangaih turin engnge i tih theih?   

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...