_Hringnun Damna Rahbi_
By Rick Warren
— February 13, 2025
“Thutak in hria ang a, thutak chuan a zalêntîr ang che u.” [Johana 8:32]
Mi tam berte chuan kan nihna tak tak hi kan duh chiah lo fo. Mite fel lohna zawk sawi chhuah chu nuam kan ti a, keimahni nihna chungchang erawh thudik pehhelin, a derin kan khawsa fo. Mahse, thudik erawh hei hi a ni, a tirah na deuh mahse thudik chu zalenna leh damnain a zui thung ṭhin.
Isuan hetiang hian a sawi, “Thutak in hria ang a, thutak chuan a zalêntîr ang che u.” [Johana 8:32]
Engtin nge kan nihna dik tak chu thudik hmang chuan kan nunpui ang, ? Tlawmna chu a ki pui ber a ni. Jakoba chuan, “Pathianin chapote a dodâl a, Inngaitlâwmte erawh chu a khawngaih ṭhîn” tiin a sawi bawk [Jakoba 4: 6].
Pathian khawngaihna chuan inthlak danglam tura thiltihtheihna a pe che, i nihna kawng li te chu i nihna ang ngeia i pawm a ngai ang.
Pakhatna, i keh chhia a ni tih chu i pawm a ngai. Kan keh chhe vek a, khawvel keh chhe zual zel engmah ṭha famkim awm lohnaah chuan kan khawsa a ni – kan ei leh bar, mite nena kan inlaichinna leh keimahni ngei pawh chu famkim lohna khawvelah kan khawsa a ni. Sual keimahni thlan ngei, miten kan chunga an tihsual, thutlukna dik lo leh hun ṭha lo kan tawnte avanga tihchhiat kan ni ṭhin. Chung kan nihna pawm tur chuan inphah hniam a ngai hle zel a, mahse a rahbi hmasa ber chu zalenna leh damna a ni.
Pahnihna, i thuruk chuan a tina che tih pawm ang che. Davida chuan Psalm 32 ah chuan “Ka ngawih tlat lai khân, nilênga ka rûmna lamah, ka chau zo ta a ni. A chhûn a zânin i kut ka tuar ṭhîn a, Ṭhâl rum lai ram ro angin ka ro zo ta,” tiin a au chhuak. Thuruk chuan i chakna a hip kang a, i buaina a belh chhah a, a tibuai zo che. Bihruk chuan awmzia a nei lo – i natna, hlauhna leh sualna te chu a tizualkai mai mai zawk fo.
Pathumna, i sualna dik tak chu puang rawh. Thufingte 28: 9 chuan, “A bawhchhiatna zêptu chu a hmuingîl lo vang a, Inpuanga sim erawh chuan zahngaihna a hmu ang,” tiin a sawi. Insiamṭhatna chu rinawm taka chet chhuah hmanga bul ṭan theih a ni. I hmachhawn loh thil i siamṭha thei lo.
A tawp berah chuan chapona leh hlauhna chuan a hnuk hniam che tih hria ang che. Adama huana a biru ang khan, kan biruin lem kan chang fo, a chhan chu hailan kan hlauh vang a ni. Chapona chuan, “Ka chak lohna te chu tu mahin min hriatpui ka duh lo” tihna niin miten “Hre ta se engnge ni zel ang?” Chu buaina inlumlet vel chuan ṭhang lian thei lo, dam thei lo leh kan nih ang tur ni thei lovin min siam fo.
A tawp berah chuan chapona leh hlauhna chuan a uai bet fo che tih pawm ang che. Huana Adama ang khan kan biruin lem kan chang fo, a chhan chu mite min hmuh kan duh loh vangin. Chapona chuan, “Mi tute mahni kan chaklohna lai hi an hmuh ka duh lo,” a ti a, hlauhna thung chuan, “Ti ta se engnge thleng ang?” an lo ti thung. Chu buaina inlumlet vel avang chuan kan ṭhan a ṭhu a, kan dam thei lova, kan nih tur ang kan ni thei ngai lo.
Hei hi thudik chu a ni: i lo chhiat [rotten] tawh avang ngawt chuan i ṭawih tawh tihna a ni kher lo. Lemchan bansan la thudik tak chu hmachhawn ang che.
Thil zawng zawng chu i nei vek lo inphahhniam taka i pawm a nih chuan Pathian khawngaihna, damna leh zahngaihna chu kawngkhar i lo hawnsak mek a ni.
Ngaihtuah zui atan.
Eng vangin nge thuruk chuan – i thlarau nun, rilru puthmang, leh taksa chu engtin nge a tihnat theih ang?
Engtin nge chapona leh hlauhna chuan a uaibeh ṭhin che?
Thutak nangmah chhuah zalentu tur che chu engtik lai khan nge i lo hmelhriat ve?
Thutak mite tizalentu chu i lo nei ve tawh em?
I tana rahbi thar awm thei chu i nuna Isua pawm chu a ni em?
Eng ang pawhin lo awm tawhin khawi hmunah pawh lo awm tawh la, Pathian chatuan chhungte chuan nghaktu leh thlir rengtu i nei e. Sawmna chu zau taka hawn a ni e. Ring la chang mai rawh.
I inpeih tawh em? He ṭawngṭaina hmang hian bul ṭan ang che: “Lalpa duh tak, ka thih hun chuan ka nun chungchang ka la sawi dawn tih ka hria. I lakah thil sual ka lo ti tawh tih ka hria a, keima ruahmanna nangma duh dan ni lo ang chuan ka lo khawsa tawh ṭhin. Chu chu thlak danglam ka duh a, a thara bul ṭan leh ka duh a ni. Sual kalsana i lam pana kal chu ka duh e.
Ka thil sual tih zawng zawng avanga hremna chu kei thi tur hian Isua zara ka pumpelh avangin lawmthu ka hrilh a che. I ngaihdamna chu ka phu lo tih ka hria. I khawngaihna chauh chuan min chhan thei tih ka hria, Lalpa. Hmun famkimah chuan lut turin ka famkim ngai dawn lo tih ka hria.
“Isu, min hmangaih em avangin ka sualna zawng zawng chu i lo phur ta a, lawmthu ka hrilh a che. Vanram kai tlakin min siam a, min chhandam turin ka ngen a che. Isu, nangmah chu ka ring a che. Min chhandam nghal a, chiang taka min chhandam a, chhandamna famkim min pe a, chatuan atana min chhandam thei a ni tih ka hria. Isua hmingin ka dil a che. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment