Sunday, February 2, 2025

PATHIANIN TI TURA A TIH CHE ANG CHIAHIN TI RAWH

_I Tawpna Tur Hmuchhuak Rawh_

- Rick Warren 
- Feb 02, 2025
_"Tichuan Nova chuan LALPAN a hnêna thu a pêk zawng zawng ang zêl  chuan a ti ta a."_ (Genesis 7:5)

Nova khan Pathian aw a hria a ni mai lo; a zawm a ni. Pathian duhzawngin a nun a hmang tlat.

Chutiang chuan awm i tum ve em? "Lalpa, vawiin hian engnge ti tura min duh? Vawiin kan inhmuh khawmnaah hian engnge ti tura min duh? Tuna hun ṭha ka neihah hian engnge ti tura min duh?" tiin Pathian i zawt em? Nova khan a thiltih apiangah Pathian duhzawng a zawng ṭhin.

Tunah hian Nova hun laia cheng angah indah ta la, Pathianin lawng tuk turin a ti che a. Zawhna tam tak i nei ngei ang. Zawhna i neih tur pali chu ka hre nghal thei.

*Tuilian chu engnge?* Bible chuan Nova hun hmalamah ruah a sur ngai loh thu a sawi. Genesis bung 2-naah chuan Pathianin zing daifim ang mai hian lei hnuai lam aṭangin lei chungah tui a lei ṭhin thu kan hmu. Pathianin Nova hnena tuilian chungchang a sawi khan a tan chuan ngaihruat thiam miah loh thil a ni.

*Engtinnge lawng i tuk?* Khang hun lai khan hmanraw zawrhna emaw thing phek emaw lei tur a awm lo. Nova khan amahin thing a tan leh phel vek a ngai. Chuvang chuan ṭhang khat lian meuh lawng tuk tur khan a mamawh.

*Engtinnge lawng lian tak hi tuiah i dah luh ang?* Nova kha tuifinriat aṭanga hla taka khawsa a ni. Bible-in tui lian kha ruah aṭanga insiam chauh ni lovin lei hnuai tui aṭanga rawn chik chhuak a ni a ti. Ruah a ban hnuah tui chim a lo sang zel a, lawng chet sawn a rawn tiawlsam ta a ni.

*Engtinnge ramsa zawng zawng i hruai?* 
Pathianin van boruak te zawng zawng nen lam a siam chuan ramsa te Nova hnena hruai kha thil huphurhawm a ni miah lo. Nova thuawihna kha thilmak ber chu a ni. Genesis 7:5-ah chuan heti hian kan hmu, _"Tichuan Nova chuan LALPAN a hnêna thu a pêk zawng zawng ang zêl  chuan a ti ta a."_

Nova nun aṭang hian engnge kan zir theih? Awmzia awm dawn lo mahse Pathianin thuawih te chu mal a sawm ṭhin. Pathian ruahman kan hriatthiam sen hauh loh lai pawha Pathiana kan innghah tlatna hi rinna chu a ni. Thil kan nghah lai leh kan beidawn lek lek lai hian pumpelha kal tura thlem kan la ni fo. Nova khan Pathian thutiam a puitlin theih nan kum 120 a nghak asin. A tawrhchhelna khan Pathian hun ruat famkimzia a lantir a. Pumpelh kawng zawh suh- ring la a thu awih rawh.

_"Rinnain Nova chu thil lo la lang lote kawng thu-ah Pathian hrilha lo awmin, Pathian ṭih dekin, a chhungte chhandam nan lawng a tu a."_ (Heb. 11:7) Pathian chuan amaha rinna nghat mi leh a thuawih mi chu a chawimawi ṭhin. A thupek te i zawm chuan i ngaihtuah aia nasain mal a sawmsak ang che.


Ngaihtuah zui atan. 

Hrehna tel miah lovin, chhan awm miah lo pawh nise engtinnge Pathian aw ngaithlak?

Tun dinhmunah khan eng "pumpelh" in nge thlem che a, engtinnge remchanna aiah rinawmna i thlan ang?

Engtiinge Pathian ruahmanna i hriatthiam theih nan Pathian thuawihnain Pathiana rinna a nghahtir che?
[Lettu: Mapuia Fana]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...