Beiseina Bulpui
By Rick Warren
— Jan 1, 2025
“Ngawi ula, Pathian ka ni tih hi hre rawh u: hnam tin zingah chawimawiin ka awm ang a, leiah hian chawimawiin ka awm ang!” Sam 46:10
I thawpik em avanga i rilru lama i thawpikna chuan taksa lama i rihna thlenga a tihpun hial nia hriatna i nei tawh em?
Lungngaihna chu rilru lama kan rihna siamtu leh thlarau lama kan ṭhanna daltu a ni ṭhin. Bible-in Thufingte 12:25 ah, “Lungkham neih hian mi â tihreawm a.” Chu chuan mi a nguaia, hnualna leh thawpikna a thlen ṭhin.
Pathian chuan chutianga i kal chu a duh ngai lo. Hrehawm ti taka i awm te, hlau leh khura i awm te a duh ngai lo. Chung zawng zawngte chu bunruak vek turin a duh zawk che a ni.
Sam 46:10, “Ngawi ula, Pathian ka ni tih hi hre rawh u: hnam tin zingah chawimawiin ka awm ang a, leiah hian chawimawiin ka awm ang.”
Lungngai taka i awm anih chuan Pathian i ringhlel tihna a ni. Pathian hian engmah a thununlo ang leh ngaihsaklo ang maiin i ruat tihna a ni a. Nangmah leh nangmah inchinfel i tum tihna a ni bawk.
Pathian chuan hahdam taka awm turin leh amah chuga engkim nghat turin a duh zawk che a. I ritphurhna zawng zawngte chu Pathian chuan a chinfel sak thei chiang che a ni.
Kumhluia i lungngaih em avanga thil inchingfel ringawt chuang lo te kha i hria em? Chung avanga i lungngaihnate chu i bansan a ngai a. I liamtir a ngai a ni.
I lungngaihnate chu engtin nge i tih bo ang? Chung buainate chu taksa insumna, damdawi leh thildangten a ti reh ngawt thei lo - ṭangkaina ṭhenkhatte chu awm bawk mahsela. Kawng khat awm chhun chu - ṭawngṭaina hi a ni.
Lungngaih nge i duh ṭawngṭai. A engemaw zawk zawk hi chu i damchhung chuan i tih angai dawn. I ṭawngṭai tam poh leh i hrehawm nep ang. Ṭawngṭaina hi i buaina leh i thawpikna tihkianna chu a ni.
“Engah mah mangang suh u; engkimah tawngtai leh dilin, lawmthu hril tel zelin, in duhnate chu Pathian hnenah hriattirin awm zawk rawh se. Tichuan, Pathian thlamuanna, rilru reng renga hriat sen loh khan, in thinlung leh in ngaihtuahnate chu Krista Isuaah chuan a vensak ang che u.” (Philippi 4:6-7).
Ngaihtuah zui atan
* Vawiina ti lungngaitu che eng thil nge awm?
* I lungngaihna avang chuan Pathian hnenah sawi tur engnge i neih?
* I lungngaihna i kian tir chuan, chu hmun ruakah chuan engnge lo awm?
Pathianin a chhungte ni turin a duh che.
Pathianin a thatna chu Fapa, Isua Krista kaltlangin a tilang tawh a. Bible chuan, “Pathianin khawvel a hmangaih em em a: Chutichuan a Fapa mal neihchhun a pe a, amah chu tupawh a ring apiang an boral lohva chatuana nunna an neih zawkna turin” a ti. Johana 3:16
Chatuana in nun theihnana Pathian thutiam chu ringturin i inpeih em? I inpeih anih chuan, hetiang hian tawngtai rawh: “Ka sualnate ka puang a, ka Lalpa leh Chhandamtu atan Isua hi ka pawm e. I hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin Isua hmingin ka dil a che. Amen”
Hetianga i tawngtai a nih chuan, Rick@PastorRick.com ah hian email min lo thawn la. Isua nena zinkawng i zawh tanna atana pawimawh te a thlawnin ka lo thawn ang che.
[Lettu: Sangpuia]

No comments:
Post a Comment