_Hmalam Hun Atana Inbuatsaihna_
By Rick Warren
— January 10, 2025
“Eng lai mahin ka dân bu chhûnga thu ziakte chu chhiar theihnghilh suh, i zawm vek theih nân a chhûn a zânin sawi ṭhîn ang che; tichuan, kawng engkimah i tluang ngei ang.” [Joshua 1:8]
Pathian chuan i tana kawng a ruatsak che chu hlawhtling taka zawh turin a duh che.
Chu chu engtin nge i tihhlawhtlin theih ang? I nun pumpui chu Pathian Thuah chuan i nghat pumhlum vek tur a ni – a pumpuiin a Thu chhungah, amahah, amah kaltlang leh a Thuah chuan. A thuah chuan i awm a ngai, a thu zir satliah ni lovin. Ringtu thutaka awm chu ni ang che.
Chu chu Pathianin a hriattir anga Israel fate Ramtiam lut tura an inbuatsaih laia a sawi chu a ni. Pathianin Joshua 1: 7-8 inkara a sawi chu han ngaihtuah teh: “Huai takin ṭan la vak phawt mai rawh; Mosian ka dân a hrilh che kha zâwm vek la, pakhat tê mah ngaihthah suh; tichuan, kawng engkimah i hmuingîl ang. Eng lai mahin ka dân bu chhûnga thu ziakte chu chhiar theihnghilh suh, i zawm vek theih nân a chhûn a zânin sawi ṭhîn ang che; tichuan, kawng engkimah i tluang ngei ang,” tih chu.
Pathian Thu chu hlawhtlinna hmanrua a ni. Pathian duh dan chu Pathian Thuah a awm thung. Joshua chu Pathian Thu leh Mosia zirtirna te chu a vawng reng a. Chumi hnu chuan Pathian chuan Israel fate chu Ramtiam lamah kum 40 chhung thlalerah a hruai a nih kha.
I tan pawh a dik ang. I nun chuan Pathian Thua a ngaihtuah tam a – ngaihthlak kawngah, a chhiarnaah, zirna kawngah, vawn tam ang zelin – Pathianin ni tura a duhnaah che chuan mi hlawhtling zawk i ni thei ang.
I nun chu Pathian Thuah chuan a vaiin remchhoh a ni e i ti thei ang em? Ka hriat chhuah tak chu Bible hlutna hlohtute chuan anmahni hlutna pawh an hloh zel tih chu a ni.
Sam 14: 2 chuan, “Pathian zawnga fing taka thil ti an awm nge awm lo tiin, Vân aṭangin Lalpan mihringte chu a zuk thlîr a,” tiin min hrilh.
I dinhmun ka hriatpui lo che, mahse chutiang mihring chu kei chuan nih ka duh thung. Pathianin a en vang vang hnuah, “Warren-a saw en teh u. Min zawng tak tak a ni. Min zawng tak tak a ni” ti se ka duh hle.
Chutiang mihring chu nih ve ka duh a ni. Zinga thova, an thawh hma avanga Setanan “E heu! Saw pa saw a tho ta a. An chet chhuah hma avanga ka ruahmanna an tihchhiat chuan ka thinrim ṭhin a ni,” tise ka duh a ni.
Pathian chuan amah tihtakzeta zawng tute chu a ngaihven a – an kawng a ruatsak a ni tih hretu an ni. Ama hnung zuia kal duhte chu a zawng mek a ni.
Ngaihtuah zui atan.
• I nun chu Pathian Thua innghat a ni em? A nih loh chuan, thil dang eng nge i buatsaih ngai ta ang?
• Pathian Thu ngaihtuaha hun hman chu i nun tana thil pawimawh hmasa berah chuan engtin nge i chantir theih ang? Chu chu tihlawhtling tur chuan i hun hman dante chu engtin nge i thlak danglam theih ang?
• Pathian Thua awm mihring ni tur chuan i nuna khawi lai kha nge thlak danglam ngai ang?
[ *Lettu:* Peka]
No comments:
Post a Comment