_Hnuhma Chhinchhiahtlak Hnutchhiah_
By Rick Warren
December 12, 2024
“Khawngaihnain a nih theih nan rinna avangin a nih hi, thlahte zawng zawng chuan thutiam chu matheilova an hmuhna turin.” [Rom 4: 17]
I thu khan thiltihtheihna nasa tak a nei. Rinnaa dingnghet mi tu emaw i ni dawn a nih chuan i thil sawi dante kha i thlak danglam a ngai thung ang. Pathianin a duh ang ngeia i ṭawngka chhuak pawh i her danglam a ngai ang.
A chang chuan rinna aṭanga thusawite chu a atthlak lek lek a, a kha a, thil awihawm lohte pawh a ni hial thei. Abrahama khan chu chu chiang takin a hria. Pathian khan ni khat chu Abrama hnenah thu a lo sawi a, “Abram, i hming chu Abrama atang khan Abrahama tiin ka thlak dawn e,” tiin. Abrahama tih chu hnam ropui tak pa tihna a ni.
Harsatna pakhat chiah a awm: Abrahama kha kum 99 a ni tawh a, fa a nei si lo. A hming put avang khan diriam leh cheksawlh a ni hial awm e. Mahse Pathian chuan khawvel kalphung leh zeizia milin kan nung ve lo tiin a sawi thung. Khawvel hi thlarau mit aṭanga i thlir chiah chuan a nihna ang ang ni mai lovin, a nih dan tur takin i hmu a, Pathian duh dan ngei chuan i lo hmu ta ṭhin a ni.
Rom 4: 17 ah chuan Pathianin, “Khawngaihnain a nih theih nan rinna avangin a nih hi, thlahte zawng zawng chuan thutiam chu matheilova an hmuhna turin” tiin a sawi. Chu chu rinnaa thu sawi awmzia chu a ni.
Chutih lai chuan, mi ṭhenkhat thusawi, “a nihna ang angin ka sawi mai” titute thusawi pawh i lo hre mai thei. Thil a thim zawngin an thlir viau mai thei. A chhan chu khawvel hi a thim zawnga miin a thlirna chhan tur chhan hrang hrang a tam hle.
Chu chu a thlir dan pakhat a ni. Mahse kawng ṭha zawk erawh a awm. A nihna ang anga a awm dan chu sawi mai lovin a aia a ṭhat dan zawk chu i tlangaupui thei ang. Thil a nihna ang anga sawi satliah chuan engmah a thlak danglam lo vang. Mite chu anmahni leh anmahni an insawithiam mai mai a ni.
Entirnan tu emaw hnenah chuan “Pa inthlahdah tak i ni. I zirna leh eizawnna i ngaih pawimawh zawk avangin i fate tana hun hman reng reng i tum lo,” tiin i dem thei ang. Mahse chu chuan anmahnia a dik lo lam kha a sawhnghet deuh deuh ngawt ang.
Chuti lo chuan, “Nangmahah hian ṭhatna ka hmu a ni. Isua Krista chu i nun hruaitu atana i hmang a nih chuan i famkim hauh lo vang, mahse Pathian hmaa mi ropui tak i ni thung ang a, i fate pawhin an mi ngaihsan i ni thei ang,” tiin. Chutiang fuihna thu chuan mite a siamṭha ṭhin a ni.
Hei hi hre rawh – a nihna anga anga sawi kher a ṭul ber lo. A nih theih dan tur sawi zawk la, Pathianin a duh dan zawk chuan sawi ang che. Rinna chuan lo sawi lawk la, tichuan Pathianin hna a thawh dan chu lo thlir ang che.
Ngaihtuah zui atan.
Nitina i thusawiah chuan miten rinnaa dingnghet angin an hre thei che ang em?
Mi a nunna leh hmakhua atana be duhtu che chu tu nge ni?
Vawiin hian mi tu emaw i thusawi hmanga insiamṭha thei hnenah chuan eng nge i sawi ang?
*I chatuan hmun khawiah nge i hman dawn?*
I sualna chuan Pathian lak aṭangin a la hrang che. Pathian khawngaihna chauh chu amah nena inlaichinna dik taka hunglet leh theitu che chu a ni e.
Bible chuan Pathian, a Fapa Isua Krista kaltlang chauh chuan vanram i kai thei a ni tih a sawi: Nangmah chuan vanram i kai thei lo: “Rinna avânga khawngaihnaa chhandam in ni, chu chu in thawh chhuah a ni lo, Pathian thilpêk a ni,” tiin. [Ephesi 2: 8-9]
“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment