_Beiseina Bulpui_
Rick Warren
30 Dec, 2024
“Pathian Lehkha Thua chhelna leh thlamuanna hmua beiseina kan neih theihna tûrin, hmânlaia ziak apiangte chu keimahni min zirtîrna tûrin ziak a ni si a.”
ROM 15:4
I nunah engpawh thleng se, beiseina nena hringnun hmang tur chuan tunge i nih kha Pathian in a sawifiah danah che a innghat tlat phawt tur a ni. Tichuan i nunin a tum i rawngbawlna chu Pathian thuah a innghat bawk tur a ni ang.
Pathian hian engmah hi chhan nei lovin a siam ngai lo. Vawi tam hei hi ka sawi tawh tih i hre thei ang. Lungpui zawng zawng hian chhan an nei a. Thil ṭo zawng zawng pawhin chhan an nei a. Nungcha tinreng pawh hian chhan an nei a. I la thaw ve a nih chhung chuan, Pathianin i nunah chhan ala nei a ni.
I nunah khan chhan chi hrang hrang chi nga a awm a. A panga na chu rawngbawl tura siam i ni tih hi a ni. I ruala midang Vanram an luh ve theihna tura tanpui tura siam i ni.
Vanram i kai dawn a, a chhan chu Pathianin i tana a tih kha mi tuemaw in an hrilh vang che a ni. Tunge i hrilh ve tawh le? Scientist emaw, zaithiam emaw, politician emaw, doctor emaw, zirlai emaw pawh nila, i nuna i hlen chhuah theih ropui ber chu i damchhung aia tlo tur thil i tih khan a ni. I rawngbawlna tur chu midangten an chatuan hmun tur an siam fel theihna tura puih a ni.
He leiah i rawngbawlna tur leh i dam chhan Pathianin a pek che i hlen theihna tur kawng khat a awm a. Khawvel aiin Pathian thu i ngaihven zawk a tul a ni. I nunte, i hun te, i ngaihtuahna te khawvel thil dang zawng zawng aiin Pathian thu, Bible zirnan leh hriatnan hmang tam la.
Kawngdang zawng chuan, Facebookah te hun hmang tlemin, Pathian lehkhabu zawkah hun i hmang tam dawn a ni. Mahni tana nung turin Pathianin a siam lo che a. Amah i hriat a, a hmangaihna i tawn a, i tana rawngbawlna a ruahman i hlenna turin a dah che a ni.
Rom 15:4 ah chuan, “Pathian Lehkha Thua chhelna leh thlamuanna hmua beiseina kan neih theihna tûrin, hmânlaia ziak apiangte chu keimahni min zirtîrna tûrin ziak a ni si a" a ti a.
I nun khawhral lova i awm chhan hlen i duh chuan, hei hi i inzawh a ngai a: engnge i chhiar tam ber- social media nge Pathian thu? Engnge i ngaihthlak tam ber? Engnge i sawi tam ber? Engah nge i ngaihtuahna leh ngaihsakna i pek tam ber?
Pathian thu hi i chhanna a nih hunah chuan Pathianin a siam chhan che ti turin i mamawh chu i nei ang.
Ngaihtuah zui atan...
Social media leh i phone a i hun hman zat leh Pathian thua i hun hman zat han khaikhin la. Pathian rawngbawl turin eng ang chiaha ti tak tak nge tih engtin nge a lantir?
He khawvelah hian i thawh tur rawngbawlna Pathianin a pek che i ring em? Engvangin?
Vawiin hian tunge Chanchin Tha i hrilh theih ang? I tih ngei a tulna chhan engnge?
(Lettu: Msa)
No comments:
Post a Comment