_I Nun Kal Zel Atana Pathian Hmathlir_
- Rick Warren
- Nov 17, 2024
_"Rei lo te atan sual nawmna hlimpui ai chuan Pathian mite nena tihduhdah tuar a [Mosian] thlang ta zawk a."_ (Heb. 11:25)
Eng emaw kawnga ṭha taka ti tur leh rei zawk daih hlawkna nei tur chuan hun rei lote chhung hrehawm tawrh i thlan a ngai. Infiam mite chuan hei hi chiang takin an hria ang. A tawp thleng khel thei tur chuan rim taka i thawh a, darkar tam tak i insawi zawi a ngai.
Mahse infiamna aiin a dikna a tam mah zawk. Sum enkawlna kawngah leh inlaichinna kawngah a dik hle. Inneihna duhawm tak kan nei, mahse ka nupui Kay-i nen hian kum tam tak rim takin kan thawk. Awlsamtein a lo thleng miah lo. In inneihna/nupa kar boruak ṭha taka vawng zel tur chuan rim taka in thawh a ngai, nunkawng dang ang thoin.
I harsatna tam tak kha chu i duh tawk hma ṭhin em avanga lo thleng a ni. Kan khawtlang nun hian, "Engkim ka duh, tunah ka duh. A thlawnin awlsam takin ka duh" tiin a zirtir che. Mahse hringnun hi chutianga lo awlsam a ni lo.
Hun rei zawk daih hlawkna hmu tur chuan Mosia anga thutlukna i siam a ngai: _"Rei lo te atan sual nawmna hlimpui ai chuan Pathian mite nena tihduhdah tuar a [Mosian] thlang ta zawk a."_ (Heb. 11:25)
Hun rei tak daih hlimna a chan theih nan rei lote chhung hrehawm tuar a thlang a ni.
Natna hi hringnunin a ken tel a ni. Tunah hian harsatna hmachhawna ṭhan lenna kawng zawh a, mi chak zawk leh puitling zawk nihna kawng i thlan chuan a hlawkna tam tak i la tel ang.
Entir nan, vawiin hian mi tam tak chuan hun kal tawha thutlukna an lo siam tawh- sum dah khawl a, sawma pakhat pe a, Pathian chawimawi tura ke an lo pen tawh avangin an hlawkna an tel mek. Kum tam tak hnuah a hlawkna an hmu, a chhan chu mahni inthununin thil harsa an lo paltlang hmasa tawh a ni.
Mosia anga hun rei lote chhung hrehawm tuar i thlan chuan hun rei zawk hlimna i hmuh theih nan Pathianin a la hruai chhuak ang che.
Ngaihtuah zui atan.
Tunah khan eng harsatna/natna nge i tawh mek?
Engtinnge thutlukna harsa tak i siam emaw hun rei tak harsatna i hmachhawn khan a hnua hlawkna a siam che ni a i hriat?
Engvangin nge tunah khan i tawrhna tur pawh nise Pathianin thil harsa thlang tura a duh che ni a i rin?
[Lettu: Mapuia Fanai]
No comments:
Post a Comment