Monday, November 25, 2024

PATHIANIN I THANLENNA A PUI THIN CHE

_I Nun Kal Zel Atana Pathian Hmathlir_

Rick Warren
25 Nov, 2024

“a hriat lâwkate chu ama Fapa ang taka awm tûrin a ruat lâwk si a, a Fapa chu unau tam takte zînga fa tîr a lo nih theih nân.”
‭‭ROM‬ ‭8‬:‭29‬ 

Pathian in a tum chu thlarau lama i thanlen kha a ni reng thin. A ni tela Isua i an tulh tulh kha a duh a ni.

Bible chuan, "“a hriat lâwkate chu ama Fapa ang taka awm tûrin a ruat lâwk si a, a Fapa chu unau tam takte zînga fa tîr a lo nih theih nân"
‭‭(ROM‬ ‭8‬:‭29‬) a ti a.

Hei hi kum tam tak chhunga zawhna ka inzawh thin chu a ni: "Engvangin nge hei hi ka chungah a thlen?" Ka hrilh ang che: I thanlenna turin a ni.

A nihnaah chuan, engkim mai - a tha, a chhia, a mawi lo, i chunga i thlentir leh midang vanga thleng zawng zawngte kha i thlarau thanlen theihna tur vek a ni. Pathian hi sual duang tu a ni lova. Mahse thil tha lo ata thil tha a chhuah tir thei.

I nuna thleng engkim hian a thinlung a ti kha emaw mi tha zawkah a siam thei che. I lo dawnsawn dan kha i duh thlanna a ni. "Lalpa, engvangin nge ka chungah a thlen?" tih aiin, "Lalpa, hemiah hian engnge zir turin min duh?" ti thin ang che.

Harsatna zawng zawng hian chhan a nei a: thlarau lama i thanlen a, Isua Krista i lo an deuh deuh kha a ni.

Chuvangin, Isua ang tur leh thlaraua thanlen kha i mawhphurhna a nih si chuan, Isua chu engtin nge a awm? Thlarau rahte kha han en teh. Bible chuan heti hian a sawi a, "“Thlarau rah erawh chu hmangaihna te, hlimna te, remna te, dawhtheihna te, ngilneihna te, ṭhatna te, rinawmna te, thuhnuairawlhna te, insûmtheihna te a ni zâwk e; chutiang kalh zâwngin Dân thupêk rêng a awm lo ve.”
‭‭(GALATIA‬ ‭5‬:‭22‬-‭23‬ ). Heng hi Pathianin nangmahah din a duh a ni.

Pathian chuan hengte hi engtin nge a thlentir a, thlarau lam kawngah a thanlen tir theih ang che? Heng thilte letling thawk tawn tir che in a zirtir ang che. Mi hmangaihna nei lo kiangah dah che in hmangaihna a zirtir ang che a. Lungngaihna karah hlimna a zirtir ang che. Buaina hualvel karah remna a zirtir ang che a. I nghah mek chuan hun a duh viaua a lan chuan dawhtheihna a zirtir che a ni.

I nun pumpuiah a zirtir zel ang che a,  i dam chhung hun a awh dawn a ni. Mahse, vawiinah engpawh tawk la, thlarau lam kawngah i thuk zawk na tur leh Krista i anna turin a hmang zel dawn a ni.

Ngaihtuah zui atan..

Harsatna karah Pathianin thlarau rahte kha engtin nge a zirtir che?

A chang chuan mite hian harsatna tawkin Pathian an hnaih phah chuang miah lova. Engvangin nge ni ang?

Thlarau lama thanlenna hian i nunah eng anga thuk nge hmun a luah? Pawimawh i tihte engtin nge thlak danglam a ngaih ang?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...