_I Nun Kal Zel Atana Pathian Hmathlir_
- Rick Warren
- 24 Nov, 2024
_"Unaute hmangaih kawngah chuan hmangaih takin inlainat tawn ṭheuh rawh u; chawimawi kawngah chuan induhsak tawn ṭheuh ula."_ (Rom 12:10)
Bible chuan Isua zuitu te chu inhmangaih tawn turin min hrilh a. (Rom 12:10). Mahse, chu chu engnge a awmzia ber ni ang le?
Chutianga kan tih theih dan chu kawng tam tak a awm; mahse, chung zinga kawng khat chu kan thil neih te kan hman ṭangkai a ni - pawisa a ni emaw, hun a ni emaw, kan tumna a ni emaw - kan inhmangaih tawnna lanchhuahtirna turin. Pathian hnena hun i pek apiangin amah i hnaih sawt ṭhin - chutiang bawkin midang tana hun i pek chuan in inpawh zual sawt ang.
Ringtu dangte ka hmangaih hian Pathian nena kan robawmah/sumbawmahkhawl angin ka inngai ṭhin - chatuan atan a pung chen turin.
Ringtu dangte tiphur thei tur thu i ziah apiangin Pathian nen in robawmah i dahlut zel tihna a ni. Damlo hnena eitur i pek chuan anmahni kaltlangin i inkhawl a ni. Mi tlemte tal intawhkhawm nan i kawngka te i hawng ṭhin em? Pathian nen in robawmah i dahlut a ni. Midangten intuaithar lehna hun an hman theih nan an fate i lo enkawlsak pawh khan i la inkhawl tho a ni. I ṭhian harsatna tawk mek kha chhuahpuiin titipuina hun i hman pawh khan robawmah i la khawl tho a ni.
Hmangaihna i lanchhuah tirna te, i thiltih tlemte te pawh khan awmzia a nei vek. Mi mamawh i tihsak a ni mai lova, chatuan atan i inbuatsaihna a ni zawk. Vanah ro i khawlkhawm a ni.
Eng vangin nge heng hi kan tih ang? Bible chuan, _"He chhawmdawlna rawngbawlna hian mi thianghlimte tlakchhamnate chu a phuhruksak chauh pawh a ni si lo va, Pathian hnena lawmthu sawina tam taka changing a luang liam bawk a ni."_ (II Korinth 9:12)
Ringtute kan inṭanpui tawn hian chanchin ṭha chu hmuh theihin kan lo lanchhuahtir ṭhin a ni. Kan thilphalna te hi kan chanchin nung reng tur a ni. Kan hmelhriat lohte laka kan thilphal a belhfakawm kan nih chuan khawvel hnenah rinna tak tak chu eng nge a nih tih kan lantir a ni.
Sam 133:1 chuan, _"Ngai teh, unaute inngeih dial diala awm khâwm hi A va thain, a va nuam êm!"_ Chu chu robawma khawl thiltihtheihna a ni - kan inhmangaihna chuan inunauna a siamin Pathian thinlung khawvel hnena lanchhuahtirna a ni.
Ngaihtuah zui atan.
Engtinnge Pathian chhungten i nunah hlawkna an hmuh? Chung chuan engtinnge i nun an tihdanglam?
Midangte nuna hlawkna hmu turin pawisa i neih kher a ngai lo. Sum seng lovin engtinnge midangte nun aṭangin hlawkna i tel ang?
In kohhran emaw, in ṭhenawm emaw, i hnathawhna emaw a i nuna ringtute han ngaihtuah let teh. Tunkar chhung hian chung mite nun aṭang chuan engnge i chhar chhuah theih ang?
[Lettu: Mapuia Fanai]
No comments:
Post a Comment