Saturday, November 9, 2024

ISUA AN HI I TUM BER TUR A NI

_Sawinghin Rual Loh_

- Rick Warren 
- Nov 09, 2024
_"In thinlung leh rilru te chu siamthar ula, Pathian anpuia siam mihring thar, nun dik leh thianghlim chuan inthuam rawh u."_ (Ephesi 4:23-24, GNT)

A tir aṭang reng a Pathian thil tum chu a Fapa, Isua ang tura siam che a ni. Chu chu i tum ber tur pawh a ni. He a thil tum hi thil a siam lai khan Pathianin a lo sawi tawh: "Tin, Pathianin, 'Kan anpuiin, keimahni ang takin mihring siam ila.'"_ (Genesis 1:26)

Thilsiam zawng zawng zingah mihringte hi Pathian anpuia siam awm chhun kan ni. Mahse chu anpui nihna chu a famkim lova, sualin nasa takin a tichhe bawk a ni. Tichuan Pathian kan anna chhe tawh chu siam ṭha leh turin Pathianin a Fapa Isua khawvelah a rawn tir ta a ni.

Isua Krista ang kha a ni. Bible chuan Isua hi "Pathian anpui chiah a ni" a ti bawk.

"A pa siar a ni" tiin miin chhungkuaa inanna an hmuhin an sawi ṭhin. Miin ka faten min chhun riau ni a an hriat te hian ka lo lawm ṭhin. Pathianin a fate chu amah ang turin min duh. Bible chuan, _"Pathian ang tura duan, Pathian duhzawng leh thianghlimna nun nei tura siam kan ni."_ (Ephesi 4:24, GW)

Chiang takin i han sawi teh ang: Pathian i ni ngai dawn lo, pathian (a lem) pawh i ni hek lovang. Chutiang chapona chu Setana thlemna hmasa ber kha a ni. Setanan Adama leh Evi khan a thu an awih chuan "pathian ang in lo ni ang" a ti hial (Gen. 3:5, KJV).

Sakhaw tam tak leh finna zirna lamin he ngaihna hlui tak, kan thianghlim a pathian ang kan ni thei tih ngaihdan hi an la ring tlat. He pathian nih chakna hi kan awm dan, hma hun leh kan chheh vela mite thuhnun kan tum hian a lo lang leh ṭhin.

Mahse thil siam kan nih ang takin min Siamtu ang kan ni ngai lovang. Amah ang tura a duhna che chu- a ngaihhlutzawng, a zia leh nungchangah.

A kohna che anga awm tura ke i pen laia i hriat reng tur chu, he khawvelah hian nuam sa taka awm tur ni lovin i nungchang siam zel hi Pathian thil tum a ni tih hi. Thlarau nuna ṭhang liana Isua ang turin a duh che a ni.

_"Pathian duh anga siamtharna nun, chhungril aṭanga siamthara i nuna Pathian duhzawng ṭhan lentir"_ tura duan i ni (Ephesi 4:22, MSG)

Ngaihtuah zui atan.

Pathian kohna i dawn chu Isua ang turin a ni tih hi i hriat chhun nise i lungawi ang em? Engvangin?

Ephesi 4:22-24 hi en la, Engvangin kan chet dan thlak danglamna hi kan ngaihtuahna siamtharna aṭanga a inṭan?

Engtinnge Isua i lo an zel theih nan amah i hriat chian leh zual theih ang?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...