Monday, November 4, 2024

INNGAITLAWM RAWH, I TLU PALH ANGE

_Tihnghin Rualloh_

Rick Warren
4 Nov, 2024
“Lalpa ṭihna chu finna zirtîrtu a ni a, Inngaihtlâwmna chu chawimawia awmna a ni.”
‭‭THUFINGTE‬ ‭15‬:‭33‬ ‭

Mi fing apiang tlawm te in an nung thin. Zirtirtheih nun leh inngaihtlawmna hi thil kal dun a ni a. Inngaitlawm rawh, a nih loh chuan i tlu mai palh ang.

Inngaihtlawmna chu Pathian i nihloh zia i inhriatna atangin a intan a. I hah a piangin, mahniin hei hi inhrilh la, "Pathian hi Pathian a ni a, kei chu ka ni lo. Pathian chu Pathian a ni a, kei chu ka ni lo. Pathian chu Pathian a ni a, kei chu ka ni lo" tiin.

Chu chu inngaihtlawmna chu a ni. Mi inngaitlawm lote chuan Pathian ang maiah an inngai a, a nih loh vek pawhin thuneihna nei niin an inhria a. Engkim hi zir tawh leh hre vekah an inngai a ni.

Bible chuan, "“Nimahsela, khawngaihna tam lehzual a pe ṭhîn; chuvângin, Pathian Lehkha Thuin, “Pathianin mi chapote a dodâl a, inngaitlâwmte erawh chu khawngaihna a pe ṭhîn,” a ti a ni.

Mi fing ni turin tumna i nei em? Pathian hnenah thil i dil theih tha ber a ni hial ang. Finna pek che hi a duh a, i duh zawngte kha a pek finna hmangin zawng turin a duh che a ni.

Fin i duh chuan, Pathian hre rawh. Pathian nen hun i hman tam poh leh, midang nen inlaichinna kawngah te, sum enkawlah te, buaina chinfel te, hringnuna harsatna tinreng hmachhawn thei turin a pui dawn che a ni.

Bible chuan, "“Lalpa ṭihna chu finna zirtîrtu a ni a, Inngaihtlâwmna chu chawimawia awmna a ni.”
‭‭(THUFINGTE‬ ‭15‬:‭33‬) a ti a.

Thil eng emaw min kalh zawng taka awm i hre ngai em? Inngaihtlawm i zir hmasa ber anga, ropuina i tem chauh ang. Isua nen a kal dun mi hlawhtlingte hian engkim an hre lo tih an inpawm phawt a, tichuan engkim hre tuah an innghat mai thin a.

Bible in ropuina a sawi tam tak hi kan ngaihdan ang a ni kher lo. He khawvelah hian nei vek siin, Isua zui tu i nih loh avangin tem miah si lo khan i awm thei a. Isua hnenah i inhlan khan, i tawn tur ropuina kha i hlawhtlina atanga lo kal erawh a ni dawn lo a ni. Isua hriat a, hmangaih a, hmai chhana i intawh hunah a chiang leh zual ang.

Mahni in vur in chung chu i thleng dawn lova, inngaihtlawmna leh Pathian zahna hmang chauhin i thleng ang.

Inngaihtlawmna chuan mitin hnen atangin i zir thei a ti che a. I hre vek lova. Tuman an hre vek lo! Chuvang chuan zirtir theih, inngaitlawm leh dam chhunga zir duh mi i nih a tul a ni.

Ngaihtuah zui atan...

"Pathian chu Pathian a ni a, kei chu ka ni lo" tih hian engtin nge i rilru hahna a chhawk theih che? Mi tuin emaw thil zirtir an tum che in emaw, finna eng emaw hrilh che an tumin engtin nge i chhan thin? Pathianin engtin nge chhang turin a duh che a i rin?

I nun eng thilah nge finna i mamawh ber?

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...