_I Nun Kal zel Atana Pathian Hmathlir_
By Rick Warren
— November 21, 2024
“Mi fing kâwm la, i fing ve ang; Mi mâwl i kawmngeih chuan i tuar ngei ang.” [Thufingte 13:20]
Mi fing nih i duh chuan i mi fing kawm ang che.
Ṭhian tam tak i mamawh kher lo. Lar leh ropui viau pawh a pawimawh ber lo. Ṭhian tlemte pawh ni se nangmah chawikang a, tichhe theitu che ni lo – mi fing, mimawl ni lo - i mamawh a ni .
Mi mawl nen in inkawm a nih chuan anmahni angin i awm ve ang. Mahse mifing kianga i khawsa ve a nih thung chuan i lo fing deuh deuh ang a. Thufing an sawi ang deuh a ni: “Mupui ruala i thlawk kang ve duh a nih chuan turkey rual chuan i tlan a rem lo vang,” tiin.
Mi tam ber chu a huhovin an ṭhang ṭhin. Thlarau nunah chuan nangmah chuan i puitling thei lo vang. Pathian chuan mite nena in mamawh tawn turin min duang a. Finna chu inlaichinna hmanga tarlan a ni.
Puithiam i ni thei a, tlang chhipah ngawi renga hun hmangin lehkhabu chhiarin hun i hmang thei ang; hriatna zau tak neiin finnaah chuan hmasawnna i nei chuang hauh lo thei. Zirna huangah chuan thui tak thlengin degree ropui tak tak i sual chhuak thei a, mite nena inlaichinna thuah erawh i lo tlabal viau thei; i zir san avang ngawt chuan i fing tihna a ni miah lo thei.
Bible chuan Thufingte 13: 20-ah chuan, “Mi fing kâwm la, i fing ve ang; Mi mâwl i kawmngeih chuan i tuar ngei ang,” tiin a sawi.
Dawhsang tlangah ka ding a nih chuan mi tu emaw min pawh thlak tumtu tu emaw chu pawh chhoh tum ta ila a engnge awlsam zawk ang? Tu emaw tan chuan midang pawh thlak chu midang pawh chhoh aiin a awlsam zawk daih a ni. Nangmah pawt hniamtu che chu i ṭhian ṭhate an ni ngai lo vang.
I ṭhian kawmte zingah an finna te a khat tawka i hnena pe chhuaktute chu tute nge an nih? Mifing nih i duh a nih chuan chutiang fuihna chu i nunah chuan a khat tawka i dawn fo a ngai ang.
Ngaihtuah zui atan.
Nangmah hnaih bertute chu tu te nge? Thlarauva ṭhanlenna leh finna kawngah chuan engtiangin nge an fuih phur che? A nih loh pawhin, fing taka nun thei miah lo tur chuan engtiangin nge an tihbuai che?
Kristian fing, leh puitling finnaa an ṭhan len theih nan inlaichinna thuk zawk neihpui an duh ang che. Engtin nge rinna kawnga naupang zawkte chuan thlarauva an ṭhan len theih nan i thil lo tawn tawhte chu nangmah aṭangin engtin nge an inzir theih ang?
Eng vangin nge inlaichinna thuk neih chu ṭhian tam tak neih satliah ai chuan hlawk zawka i ngaih?
[ *Lettu:* Peka]
No comments:
Post a Comment