_Sawinghin Rual Loh_
by Rick Warren
— November 14, 2024
“Lalpa, ka Pathian hnênah chuan ka ṭawngṭai a; ka mite thil sual tih avângin thupha ka chawi a. “Lalpa Pathian, i ropui a, kan chawimawi a che. I thuthlungah i rinawm a, nangmah ngainaa i thupêk zâwmtute chu i lainat reng a.” [Daniala 9:4]
Hun harsaah chuan ṭawngṭai tluka thil pawimawh tih hmasak theih i nei lo. Kan lo zir mek angin, Daniala bung 9na chuan hun harsa ber kan tawh laia ṭawngṭai dan kalhmang min zirtir a ni.
Keimahniin Pathian hmaa kan duhzawng kan sawi hmaa a aw ngaihthlak dan kan zir tawh a, Pathian lam hawia amah chu zawnga, kan rilru duhzawngte chu tihtak zeta chaw nghei ṭawngṭaina hmanga dil dan kan zir tawh a nih kha.
Pathian hnenah chuan a hmangaihna leh a thutiam avang chuan lawmthu kan sawi bawk ang.
Danial lehkhabu 9:4 ah chuan hetiang hian kan hmu: “Lalpa, ka Pathian hnênah chuan ka ṭawngṭai a; ka mite thil sual tih avângin thupha ka chawi a. “Lalpa Pathian, i ropui a, kan chawimawi a che. I thuthlungah i rinawm a, nangmah ngainaa i thupêk zâwmtute chu i lainat reng a,” tiin.
Chu chu buaina i tawh changa i tih chak loh ber tur chu a ni thung ang. Pathian chungah i thinrimin amahah chuan i beidawng hial thei. Chuvang tak chuan i tih a ngai a ni. I thlir dan thlak danglam chu i mamawh a ni.
I damchhung hun zawng zawnga Pathian hmangaihna leh lainatna i chante avang chuan lawmthu i sawi thei ang. Thlir bik nei rawh! Tun thlenga a zahngaihna i chan te chu i hre reng a ni tih hriattir ang che. A rinawmna avang chuan lawmthu i hrilh theiin hun kal tawha a lo chhanchhuah tawhna che avang chuan lawmthu i hrilh dawn nia. Hun kal tawha khawngaihna kan chante chuan hmalam huna khawngaihna awm thei min thlirtir thei ṭhin.
Bible aṭang chuan Pathian chu engnge a nih chiah tih leh a thutiamte chu in thlir thei ang, Bible chu thutiam hlirin a khat a – sang chuang fe a ni a, dik tak chuan – Pathianin a thu zawmtu leh amah zuitute tana a thutiam chu engtiang taka ropui nge tih a la hriat zel ang.
A chang chhunzawmna zelah chuan hetiang hian kan hmu: “Lalpa ka Pathian, nang chuan ngil i nei a, i lakah hel ṭhîn mah ila min ngaidam ṭhîn.” [Daniala 9:9]
Keini kan rinawm loh lai pawha kan tana Pathian a rinawm tlat avang chuan kan lawm tur a ni. Pathian chu a thutiamah a rinawm tlat ṭhin.
I harsatna hmunah chuan Pathian chuan chu a thutiam chu a vawng tlat zel ang a. Pathian chuan a thutiam chu a tihlawhtling zel a ni tih pawh a lantir bawk ang. A kalsan hauh lovang che. A thutiam chu a vawng tlat zel a ni tih a lantir ang a. I ring a ni tih lantir ang che.
Chu chu hun harsaa i ṭawngṭai a pawimawhna chu a ni.
Ngaihtuah zui atan.
Eng vangin nge hun harsaah chuan Pathian hnena lawmthu sawi a harsat ṭhin?
Lawmna chuan engtin nge i thlirna a thlak danglam?
Hun harsa i hmachhawn changa i lawmna tur chu engnge ni?
[ *Lettu:* Peka]
No comments:
Post a Comment