_Tihnghin Rual Loh_
- Rick Warren
- Oct 20, 2024
_"Daniela chuan lal chu hmu nghalin a mumang awmzia a hrilhfiah theih nan hun pek belh turin a ngen a."_ (Daniela 2:16, NLT)
Thil theih loh ni a lang ti tura an ngen chein chiai mai lova thil nihna hre hmasa turin ke pen la, hun dil belh rawh.
Engvangin? A chhan chu harsatna kara thlemna lian ber chu thil tih thut thut duhna hi a ni. Ngun taka ngaihtuah hmasa lova tih thut duhna a awm a. I rilru nonain a kaihruai zawk fo che. Chung chuan thutlukna siam zung zung turin a nawr fo che a ni.
Mahse tih zung zung hi thil pawimawh ber a ni hran lo. Tih thuai a, thutlukna siam thuai i duh a ni mai thei, a chhan chu thil awlai tak anga a lan avangin. Mahse chuvang chuan thutlukna ṭha tak a ni dawn tihna a ni kher lo. Thutlukna siam zung zung tur hian engmah a ngai lo. Mahse thutlukna dik siam tur chuan finna nasa tak a ngai thung.
Thutlukna dik lo chu eng ang rangin thutlukna chu siam mahla a dik lo tho tho. Chuvang chuan nghak hlek la, thawk la la, hahdam takin awm la, Pathian be rawh.
Lalin a mumang hrilhfiah tura a tih khan Daniela khan hetiang chiah hian a ti, lalin a mumang hrilhfiah tum hmasatute that tura thu a pek ve leh khan: _"Daniela chuan lal chu hmu nghalin a mumang awmzia a hrilhfiah theih nan hun pek belh turin a ngen a."_ (Daniela 2:16, NLT)
Hun khirh taka kan awm laia entawn tur Daniela khan min hnutchhiah reng mai: hun pek belh turin a dil a, Pathian a be nghal a.
Thil engpawh i tih hmain Pathianin engtinnge a ngaih tih hriat tum hmasa rawh. _"Mahni inringtu chu mi â a ni! Mahse Pathian finnaa innghat mi chu a him ṭhin!"_ (Thufingte 28:26, TLB)
Mahse chunga rinna nghata thutlukna siam zung zung mi i nih loh chuan thutlukna dik siam turin kawng dik i zawh mek a ni. Harsatna lian tak a lo thlen changte hian thutlukna siam zung zung tur a ni tih hi inhnehtir suh. Thutlukna rang tak i siam hi a ṭul vek kher lo.
Thutlukna dik siam hi a pawimawh zawk. Thutlukna dik siam tur chuan Pathian finna i mamawh. Pathian pawl nan leh a thu chhiar nan hun i hman tam chuan a hnen aṭanga finna i dil hunah a pe ang che.
Hei hi hre reng rawh, _"Ke chhep rang ringawt chu a kal sual ṭhin."_ (Thufingte 19:2)
Ngaihtuah zui atan.
A hnua i inchhir lehna thlentu thutlukna i siam zung zung tawh em? Engtinnge a thawh?
Pathian nena hun hmanga a thu chhiar a, a aw i hriat theih nan fianrial hun ṭha zawk hmang turin engtinnge ruahmanna i siam ang?
Thufingte 19:2 thu vawn hia engtinnge thutlukna siam zung zung lo turin a puih ang che?
[Lettu: Mapuia Fanai]
No comments:
Post a Comment