Saturday, October 19, 2024

THIL THEIH LOH HMACHHAWN DAN

_Tihnghin Rual Loh_

- Rick Warren 
- Oct 19, 2024
"Thudik chu eng anga to pawh nise lei rawh."_ (Thufingte 23:23, TLB)

Tih theih loh ni a i ngaih ti turin tu emawin a ngen tawh che em? I ṭhian emaw, i pu emaw, i nu leh paten emaw i tana hautak tak ni a lang, i tih theih loh tur ti turin an ti tawh che em?

Tunah khan ti turin an ngen che pawh a ni mai thei. Engtinnge bul pawh i ṭan theih ang tiin i inngaihtuah a ni mai thei!

Kan zir leh zel turah Bible-in thil tih theih loh hmachhawn dan a sawi chungchang kan zir ang.

Mahse khawiah nge bul kan ṭan ang tih i zirho teh ang: 
A hmasa berah chuan, chiai suh.

Daniela tih dan kha zir rawh. Daniela bung 2-naah chuan Nebukadnezzara kha a mumang hrilhfiahtir tumin aienthiamte hnenah a kal a. An hrilhfiah theih loh avangin a mifing zawng zawngte, Daniela leh a ṭhiante tiamin tihlum vek turin thu a pe ta a.

Chu thu chu Danielan a lo hriat ve leh hlauhna a inhnehtir mai lo. Lal vengtu pawl hotu Arioka hnenah chuan, _"'Eng tizia nge lal thupêk chu chuti êma a hmanhmawh le?' tiin a chhanga. Tin, Arioka chuan Daniela chua a hrilh ta a. Tin, Daniela chu a lût a, lal chu a hrilhfiahna a entîr theih nân hun kian tûrin a ngên a. Tichuan, Daniela chu a in ah a hâwnga, chu thil chu a ṭhian Hanania te, Misaela te, Azaria te ahrilh a: Babulon mifing dangte zînga Daniela leh a ṭhiante chu an boral ve loh nâna he thu inthup chungchangah hian vân Pathian khawngaihna an dîlna tûrin. Tin, chu thi inthup chu zân inlârnaah Daniela hnênaah a lang ta a. Tin, Daniela chuan vân pathian chu a fak a."_ (Daniela 2:15-19)

Thil theih loh ni a langah pawh chiai mai lovin Daniela chuan thil awm dan chiang takin a zir a, lalin a ngenna phena thil awm zir turin a bei a ni. Miin thil tih theih loh ni a lang ti turin an ngen hun chein a chhan zir hmasa phawt rawh, a chhan chu i rilru sukthlek aṭang ringawt chuan thutlukna fing tak i siam thei lo a ni. Thil nihna chiang tak i hriat hmasak a ngai.

Daniela khan engnge a zir? Lal khan a mumang hriatfiah a duh em avangin ngenna hlauhawm tak a siam a ni. Daniela khan lal chiaina chhan a hriat ve leh Pathian hnena ṭawngṭai dan tur leh dil dan tur a hre ta a ni. Pathianin a dilna ngaithlain kawng a hawnsak ta anih kha.

I kal zel hmain a chhan i hriat a ngai a ni. Thufingte 23:23-ah chuan heti hian kan hmu: _"Thudik chu eng anga to pawh nise lei rawh."_ (TLB)

Chuvang chuan thil theih loh ni a lang ti tura ngen i nih chuan chiai mai suh. Thudik zawng hmasa phawt rawh.

Ngaihtuah zui atan.

I chiai viau lai khan engtinnge i rilru sukthlek khan i thutlukna a nghawng theih?

Thil tih theih loh ni a lang ti tura ngentu che rilru put hmang hriat hmasak hi engvangin nge a pawimawh?

Thil tih theih loh ni a langah Pathian hnathawh i hmu tawh em?

*Khawiah nge i chatuan hmun i hman dawn?*

Pathianin thil tihtheih hauh lo a ti tawh. Chatuana a hnena i chên theih nan van kawngkhar a hawng tawh. Misual nang leh kei tan hian famkimna hmun vanrama mi famkim a kianga tel ve thei tura min phalsak hi engvanga thei nge maw a nih le?

_"Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan."_ (Johana 3:16). I sual tlan nan Isua krawsah a thi a, Pathianin thihna ata a kai tho leh a ni. Hei hian i tan vanram kawng a hawng ta a ni.

Vanram hi i thawh chhuah theih a ni lo: _"Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e."_ (Ephesi 2:8-9)

Bible chuan Pathian Fapa Isua Krista i rin chauhin vanram i lut thei a ti. Isua hnena nun hlan tura i inpeih chuan heti hian ṭawngṭai rawh le:

"Lalpa, i Fapa Isua Krista ka rin phawt chuan ka sualte ngaihdam a ni ang tiin min tiam a, chuvang chuan min siam chhan ka zir anga, nangin i vanramah min lo pawm ang tih ka ring.

"I hmaah ka sual ka puang a, i ngaihdam ka rawn dil e. Ka sual lak bo anih theih nan ka ai Isua a thi a, nangin i kai tho leh a ni tih ka ring e. Vawiin aṭang hian Isua hi min chhandamtuah ka pawm a,  ka Lal atan ka thlang e. Ka thinlung hi i hmangaihna leh beiseinain min thlaksak rawh. Min hruai la, i duhzawnga nung turin min pui ang che. Isua hmingin, Amen."

Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...