_Tih nghin rualloh_
Rick Warren
28 Oct 2024
“Ngai teh u, ka tithianghlim che u a ni; nimahsela, tangkaraw tihthianghlim angin a ni lo; hrehawmna rawh tuina meiah chuan ka fiah che u a ni.”
ISAIA 48:10
Daniela leh a ṭhiante khan meipui an kaltlang khan an kang lova. An kawr te chu a mut lova. Mei rim pawh an nam hek lo. A kang awmchhun chu mihring siam hruihrual kha a ni mai.
Engin nge phuar che? Engin nge chelh tlat che? Pathianin a duan angche nih tir thei lo che kha engnge?
Pathian chuan i nuna harsatna te kha nangmah chelh bet tu tihtlakna atan a hmang thei a.
Tumahin hun khirh takte, hun tiam chin lo thlen thut te kan duh lo a, beiseina ban phakloh tur te thlengin. Mahse Pathian hian a chang chuan i nunah khangte kha thenfai nan a hmang thin a ni. Natnaah Pathian i rin kha a tawk a ni.
Isaia 48:10 ah chuan, "“Ngai teh u, ka tithianghlim che u a ni; nimahsela, tangkaraw tihthianghlim angin a ni lo; hrehawmna rawh tuina meiah chuan ka fiah che u a ni" a ti a.
I nunah khan rawhtuina mei tak tak i kaltlang lo pawh a ni maithei. Mahse natna erawh i kaltlang fo vang. Pathian hian natna hi a ti thlawn ngai lova. Mei hmanga tih thianghlim che a intiam a ni.
Silver leh rangkachak ang deuh a ni. A sat khan, a bawlhhlawh kha a kang a. Ti chuan rangkachak leh silver hlang i nei ta thin a ni.
Silver chher tu khan engtin nge silver kha a hlang a nih tih a hriat han zawt chhin teh. A chhuannaah a hmel a lan theih hun kha a ni a ti ang.
Pathianin a hmel nangmahah a hmuh khan i thianghlim a ti a. A chhan chu Isua i an vang a ni.
Mei chauhin chutiang chu a ti thei. Mei chauhin a fiah thei che a, i tana pawimawh kha a ti fiah dawn a ni.
Hetiang dinhmun tawng nia i inhria a piangin, meiin i nuna a thlen kha hrechhuak la. Pathian rin chuan mei sa ang mai kha a la bo ker lova. Mahse i kiangah a kal ve tih a tifiah anga, amah ang tura a siam mek na cheah i lawm thei dawn a ni.
Ngaituahzui atan...
I nunah Pathianin a tithianghlimna che engnge thleng tawh le? Isua ang zawkin a siam che em?
Harsatnah hian Isua hawisan mai a awl viau. Engvang nge ni le? Engvangin nge fiahnaah hian Pathian chaknaa innghah a pawimawh zia hi kan hriatfiah a tul thin?
(Lettu: Msa)
No comments:
Post a Comment