Hunbi Hrang Hranga Ṭhadan
Rick Warren
9 Sept, 2024
“Nimahsela, felna avânga lo tuar ta ang in nih chuan in eng a thâwl ang. An hlauhawmna chu hlau suh ula, mangang hek suh u; amaherawhchu, in thinlungah Krista chu Lalah ruat rawh u; nangmahnia awm in beisei chhan zâwt apiang che u chhâng tûrin inpeih sa fo vang che u; nimahsela, thuhnuairawlh tak leh ṭih dêk chungin;”
1 PETERA 3:14-15
Kristian nih hi mi chak lo, mi dawih leh no tan nih chi a ni lo. Isua zui tur hian mi huaisen nih a ngai a ni.
Kan hriatpui lem loh hian khawvel hmun hrang hranga ringtute hian an lo tuar a. Mahse, Krista zui man chu engnge ni ta le? Kut thlak meuh a tawrhna chu i tawrh a rinawm chiah loh. Amaherawhchu, kan khawtlang nun hi a thiangzau sawtin, kristian kalh zawngin a ruk tak hian a danglam nasa hle tawh a.
I rinna avanga dodalna i tawhin, hlauhthawn kha thil awm tak a ni. Engtin nge chu hlauhna chu i tih reh theih ang? Ngaihtheih loh i hlauhna kha engtin nge i hneh ang? Hnawl nih i hlauhna te kha engtin nge i hneh ang?
Pathian hmangaihna a chhunkhah i nih a ṭul a. Pathian thu chuan hmangaihnaah hlauhna a awm lo a ti a, hmangaihna famkim chuan hlauhna a hnawt bo ṭhin a ti a ni. Dodalna i hmachhawnin Pathianin a hmangaihna che kha thlir la. Pathian hmangaihna a chawlte reng rengin hnawl nih an hlau buai lova. Ngaihtheih loh nih an hlau hek lo.
Bible chuan 1 Petera 3:14-15 ah chuan, “Nimahsela, felna avânga lo tuar ta ang in nih chuan in eng a thâwl ang. An hlauhawmna chu hlau suh ula, mangang hek suh u; amaherawhchu, in thinlungah Krista chu Lalah ruat rawh u; nangmahnia awm in beisei chhan zâwt apiang che u chhâng tûrin inpeih sa fo vang che u; nimahsela, thuhnuairawlh tak leh ṭih dêk chungin;” a ti a.
Krista i rinna avanga ngawi tura an tih che chuan duhthlantur pahnih i nei a: i lungngai thei a, Pathian chibai i buk hlauh thei bawk. A awmzi chu i hlauthawng emaw, i tawngtai emaw thei tihna a ni. Harsatna, dodalna leh tih duh dahna lam emaw, Pathian lam zawk i hawi thei ve ve a ni.
Chung phurrit lam ata chu Pathian lam hawi i duh ngei ang. I ngaihven kha i thlak a ṭul a ni. Dodalna i tawhin, i ngaihven kha Pa Pathian lamah sawn daih la. Lungngaih aiin chibai buk thlang ang che.
Ngaihtuah zui atan...
Pathian hmangaihna thutiam chu khawiah nge i zawn ang?
Thil dik i tih a i tawrh phah avang khan Pathianin engtin nge a rulh che i rin?
I rinna avang khan eng dodalna nge i tawh ve tawh?
(Lettu: Msa)
No comments:
Post a Comment