Thursday, August 8, 2024

PATHIANIN I DIL HUN A NGHAK

_Min Tidanglam Ta_

By Rick Warren
— August 08, 2024
“Chutichuan, nangni mi sual mahin in fate thil ṭha pêk nachâng in hriat chuan, in Pa vâna mi chuan a dîltute chu thil ṭha a pe zâwk êm êm dâwn lo vem ni!” [Matthaia 7:11]

Pathian chu engkim hnar a ni a. Khawvela i thil hmuh zawng zawngte chu ama siam an ni  – Van thengrenga i hmuh phak loh te nen lam chuan ama siam an ni. 

Pathian chu i engkim hnar a nih anga amah i rin chhan chuan, thil [thutak] pali i hriat ve tlat a ngai ang. 

Pakhatna, engkim hi Pathian min pek a ni. 

I thil neihte kha a eng tak tak mah kha i thawhchhuah a ni lo. Pathian khawngaih thilthlawnpek vek a ni e. Pathianin pek che a duh lo a nih ngat chuan i nei hauh lo vang. 

Jakoba 1: 17 chuan hetiang hian a sawi, “Thilpek ṭha leh thilpek famkim zawng zawng chu, chung lam aṭangin, engte pa hnen ata a lo chhuak ṭhin a ni,” tiin. Eng vangin? Pathian thilpek apiang che chu thilthlawnpek an ni vek. I thawkchhuak thei lo – Pathian hnenah lawmthu sawi rawh, a chhan chu tumahin Pathian thilthlawnpek dawng thei turin kan thawk tak tak thei lo.  

Pahnihna, i mamawh hrang hrang Pathianin a pek theih loh che a awm lo. Kumin hian eng thil nge i la mamawh dawn tih a hriat tawh loh. Mahse Pathian chuan a hria e, i mamawh zawng zawngte chu Pathian chuan a pe thei che. 

Bible chuan Philipi 4: 19 ah chuan hetiang hian kan hmu, “Ka Pathian chuan Krista Isuaa a ropuina nghahzia ang zelin, in tlakchhamna tinreng pawh a phuhruksak ang che u,” tiin. Pathian chauh chuan engkim bithliah awm lovin a pe thei che. I mamawh a ni tih chu i lo hre lo mai thei, mahse a thilpekte chu i dawn chiah hunah i mamawh ngei an ni tih i hre thei thin ang.  

Pathumna, Pathian chuan i mamawh engkim pek che a duh. 

Matthaia 7: 11 chuan hetiang hian a sawi, ““Chutichuan, nangni mi sual mahin in fate thil ṭha pêk nachâng in hriat chuan, in Pa vâna mi chuan a dîltute chu thil ṭha a pe zâwk êm êm dâwn lo vem ni!” tiin. Pathian chu I laka thilphal a ba lo. A hmangaihna avangin a ti mai a ni. Engmah a ui ngai lo!

A palina chu hei hi a ni: Pathian chuan a nghak reng che. 

I nuna i thil mamawhte chu i nei lo a nih chuan chu chu Pathian thiam loh a ni lo vang. Pathian i nghak lo tihna a ni ang. Ani chuan a nghak reng che. Jakoba 4: 2 chuan hetiang hian a sawi, “In chak a, in nei si lova; tual in that a, in awt a, in nei thei si lo va: In inhnial a, in indova, in dil loh avangin in nei lo a ni.” 

I mamawh Pathian hnena i dil hma chuan i intihthianghlim hmasak ngei ngei a ngai kher lo vang. A inpeih a, i dilna dawng turin a inring sa a ni. I dil veleh, Pa engtiang taka thil phal leh ṭha nge a nih chu a nih i hre chauh ang. 

Ngaihtuah zui atan

I mamawhte phuhru tur chuan tu nge i rinchhan? 

I mamawhte Pathian hnena dil tur chuan eng thil nge i nghah hmasak? 

I nun pumpui atana i mamawh chu Pathianin a hria tih hriatna chuan engtin nge i ṭawngṭaina a thunun ang? 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...