Thursday, August 15, 2024

NUPA INLAICHINNA ATANA INHERREM

_Min Tidanglam Zo Ta_

By Rick Warren
August 14, 2024
 “Tu pawh amah ring chu thiam lohvin an awm lo vang; tu pawh ring lo chu tûn apangin thiam lohvin an awm, Pathian Fapa mal neih hming an rin loh avângin.” [I John 3:18]

Inneihna reng reng – inlaichinna engpawh tiamin – mahni insiamremna tur thil tam tak a awm zel. In pahnihin in insiamrem a ngai ang. In fate chu an la ṭhang lian ang a. I hna pawh i la thlak ang a. I la pem thei bawk a. I la dam lo mai thei bawk. 

Chutianga insiamremna lai chu awmze nei taka kalpui tur chuan mahni hmasial lova i khawsak a ngai ang. Dik tak chuan, mahni hmasialna hnawl zel chu in inneihna aṭanga Pathianin zir tura a duh che chu a ni thei. Mahni hmasial lohna thu chu Bible-in I Johana 3: 18-a min zirtir a tum thil pawimawh tak chu a ni, “Tu pawh amah ring chu thiam lohvin an awm lo vang; tu pawh ring lo chu tûn apangin thiam lohvin an awm, Pathian Fapa mal neih hming an rin loh avângin,” tiin. 

Heng thil pathumte hi mahni hmasialna kalsan tura kan insiamremna turte chu an ni ang: 
1. I kawppuiin a mamawh chu ngaihtuah rawh. Bible chuan, “mahni ta ta mai en lovin, mi dang ta pawh en ṭheuh zâwk rawh u,” tiin min chah. Vanduaithlak takin, nupa tam tak chu an innei rei deuh deuh a, an kawppuite mamawh an ngaihtuah lo tial tial. Bible chuan mite mamawhna ngaihtuah turin min ti a- kan chenpuite mamawhna chu kan ngaihtuah zual ang.
2. Intulut tawn rawh u. Bible chuan kan kawppuite laka intulut tawn [submit] turin min chah a – Kan duhzawng tak pawh kan kawppui mamawhna mila kalsan turin min chah.  Ephesi 5: 21 chuan hetiang hian a sawi, “Krista ṭih dêkin intulût tawn ṭheuh rawh u,” tiin a sawi. Ina lu ber an nih angin pasal chuan mahni inhlan leh insiamremin chhungkaw tan hma a hruai ang – chu chu Isua awm dan kha a ni. Paula chuan hetiang hian a sawi bawk, “'Pasalte u, in nupuite hmangaih rawh u, Kristan kohhranho a hmangaih a, an aia mahni a inpe ang khan,” tiin. 
3. Thil te takteah ah te chuan insiamrem rawh u. Khawi lai emawa i kal tuma thlen tlai hlek emaw chhuah tlai hlek emaw  a ni thei. Mut hun sawn hlek te pawh a ni thei ang. Thingpui dawra thil ei chhuah emaw tv i nupui/pasal hmuhnawm tihzawng en dunte pawh a ni ang. Nangmahin i ngaihthlak peih hun ni chiah lova i kawppui thusawi ngaihthlakte pawh a ni ang. Hmangaihna dik tak chu chutianga thil te, nitina thiltiha insiam rem leh midang mamawh pek chu an ni ang.  

Hmangaihna dik tak chu i thusawi kha a ni lo. I awm dan zawk chu a ni. 

I hmangaihna chu a famkim ang zelin, i kawppui chu Isuan a enkawl dan angin i enkawl ve ang. I Johana 3: 16 chuan hetiang hian a sawi, “'Pathianin khawvêl a hmangaih êm êm a; chutichuan, a Fapa mal neih chhun a pe a, amah chu tu pawh a ring apiang an boral lohva, chatuana nunna an neih zâwk nân, tiin. 

Kristan a hmangaih che ang khan i kawppui tan insiamrem thin rawh. Chu thutlukna chuan engkim a tidanglam ang. 

Ngaihtuah zui atan. 

• I nupui/pasalin i tana a insiamremna i ngaihhlut deuh chu eng nge ni? Chu insiamremna avang chuan lawmthu i hrilh tawh em? 
• Isuan mite a hmangaih angin i kawppui kha hmangaih ta la in inneihna chu engtiang taka danglam nge a nih ang? 
• Tun karah hian engnge i kawppui hmangaihna avangin i herrem ang? 

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...