_Nun Hunbi Hrang Hranga Ṭhan Dân_
Rick Warren
August 19, 2024
“I lo kal hunah Troas khuaah Karpa hnêna kawrfual ka hnutchhiah kha, lehkhabute nên khân rawn keng la, savun lehkha mawlh kha rawn keng ang che.”
2 Timothea 4:13
Khawhar lunglenna i tawrh laiin engnge i tih tak ang le? A chhanna chu Paula nunah 2 Tim 4 ah, taninah a awm laia a thih hun nghaka a awm lai chanchinah khan kan hmu.
Khawhar lunglen i paltlang mek laiin, i hun tha thei ang bera hman i duh ngei ang.
Chumi awmzia chu i dinhmun chhe em em kha a tha lama chhuah hram hram a ni. Engmah ti lova awm mai mai tura thlemna kha dodal la. Eng thil emaw ti la - eng thil pawh. Mala i awm lai hun chu hmang tangkai hlauhin thil tha tak ngaihtuah chhuah nan hman tum zawk la.
Tanin aṭang khan Paula khan Timothea hnenah lehkha a thawn a, “I lo kal hunah Troas khuaah Karpa hnêna kawrfual ka hnutchhiah kha, lehkhabute nên khân rawn keng la, savun lehkha mawlh kha rawn keng ang che.” (2 Tim 4:13)
A khawhar laiin Paula khan mi ṭangkai nih a tum a. Khawhar hle mah se, mahni inkhawngaih vanga inkawm khawmna hun a buatsaih hran miah lo. A phunnawi lova, a beidawng hlek lo. Paula hi Kristian ropui tak pakhat a ni, mi tam tak Krista hnenah a hruai a, mahse a tawpah chuan a huntawp kha mahniin a hmang a ni. A dinhmun chu hmang ṭangkaiin a chhawr ta hlauh a. He chang hian a thil sawi pahnih a tarlang a:
*1. "Ka kawrfual kha rawn keng la"* Rom tanin chu a hnawmin, a thim a, a vawt bawk. Paula khan a theih ang angin a inenkawl a. Kan khua a har a, kan rilru a zîn hian mahni kan inngaihthah fo thin a, taksa leh rilru lamah a ni ve ve. Kan in sawizawi lova. Kan hahchawl lova. Kan ei ṭha lova. I khua a har avang khan i in ngaihsak lo tur tihna a ni hauh lo.
*2. Ka lehkhabu kha rawn keng la.* Paula kha mi ngainat hlawh deuh mai a ni a. Mahni a awm chu a ngaina miah lovang, Pathianin a duan dan a nih hmel loh. Rom sipai tanina han tan bo hmak mai kha a duh loh dan tur tak a ni. Mahse, a theih tawp a chhuah a. Tuna Thuthlung Thar bua telh tak lehkhathawn tha tak tak te a ziak a. Pathianin a kal muantir theihna turin a khung hrang pawh a ni mahna le. Kum 2000 hnuah chuan, Paula khan a mala a awm hun a hman ṭangkai zar kan la zo ta zel a ni.
Ngaihtuah zui atan...
I khawhar lai khan eng thil hlawkthlak nge mi dang nena i tih theih loh tur i tih ang le?
Khawharna i tawh lai khan tunge hlawkpui ber ang le?
Mahni ṭha zawka i in enkawl theihna turin engtin nge i tih ang le?
(Lettu:Msa)
No comments:
Post a Comment