Monday, July 15, 2024

ṬAWNGṬAI HMASA BER LA, NASA ZAWKIN ṬAWNGṬAI ZAWM ZEL ANG CHE

_I Mamawh Tawpkhawk Pathianin a Pek Dân Che_

Rick Warren
July 15, 2024
“Tin, chumi hnuah chuan heti hi a ni a, Moaba thlahte leh Amona thlahte chu Meun-ho ṭhenkhatte nên Jehosaphata bei tûrin an lo thawk a. Tin, Jehosaphata chuan a hlau va, Lalpa zawng tûrin a inpe a; Judai ram zawng zawngah chaw nghei tûr thu a than vêl a.” ‭‭2 Chronicles ‭20‬:‭1‬,3

A chang chuan engkim mai hian an dodal vek che emaw tih mai tur a ni thin.

Chutiang hun hmang mek mi pakhat Brian-a chanchin hi ṭum khat chu ka chhiar a. A hmasa berah chuan, a inchhung chu pipe chhia avangin tui a tling luau mai a. Tui hipchhuahna khawl hawh tuma a kal tur chu a motor ke a thep tih a zuk hmu a. A thiante tanpui tura phone tumin inchhungah a let leh a. Mahse, tuia ding chunga phone hman a han tum chuan current hian a han man zawk mai a, bangah chuan a phone ken chu a tihchhiat phah a. A kalsawn theih meuh chuan tui tling tam zel chuan a kawngkhar chu hawn theih loh khawpin a ti tang ta tlat mai a. A thenawmten a kawngkhar rawn tlawh hawng tura a auh a ngaih phah ta hial a ni. Chutianga thil a thlen vel mek lai chuan a motor chu misualin an lo ru bo zui lehnghal a.

Chumi tlaiah chuan university-ah sipai ho hun hmannaah a tel ve a. Silai hmawr vuah chemte sei a ṭhut palh avangin a inhliam leh a. Doctor ten an ṭhui a ngaih phah hial a ni. Mahse tumah chuan a sava khawi pali, a inchung rawn tlain a delh hlumte chu an ti nung zo ta lova. Chu bakah chuan, a haw hnuah chhuat nalah tawlh tlu leh zuiin a ngum a la sawh zui a ni. 

Brian-a chuan Pathian hian thi tur hian a duh a, a ṭhelh vel mai mai a nih dawn hi a ti neuh neuh a.

Chutiang ni emaw kum emaw chu i nei tawh em? Harsatna chuangliam tak mai, palzam mai mai theih loh i tawhin engtin nge i tih thin le?

Thil dang engmah i tih hma khan Pathian hnen pan phawt la. "Lalpa, ka khatliam a ni. He ka dinhmun hi eng angin nge i ngaih?" tiin zawt rawh.

I thil thlir phak chin chuan tawp chin nei mah se, Pathian ve thung erawh chu chatuan hawlh pha a ni. A tir atanga a tawp a hmu thei a ni. Hun liam tawh te, tun hun te, hmalam hun thlengin ṭum khatah a hmu thei vek a. Harsatna i tawh chu thlir dan kawng zau zawk, Pathian thlir dan anga i thlir thiam a tul a ni.

Vawi tam tak chu a tawpkhawkah kan ṭawngṭai chauh thin a, a hmasa bera ti si lo hian. Thil dang zawng zawnga kan hlawhchham hnua kan tih ve leh hnuhnawh fo chu tawngtai hi a ni. Mite chuan, "Tunah chuan tawngtai chauh tihtheih kan nei ta" tiin duhthlan tur awm chhun angin an sawi fo thin. 

Tawngtaina hi a hmasa bera kan tih tur niin, beidawnna atana hman mai mai tur a ni lo. I nuna harsatna te hneh i duh a Pathian puihna i duh chuan, a lam i hawi hmasak a ngai a ni.

2 Chronicles 20:1,3 ah chuan, "Tin, chumi hnuah chuan heti hi a ni a, Moaba thlahte leh Amona thlahte chu Meun-ho ṭhenkhatte nên Jehosaphata bei tûrin an lo thawk a. Tin, Jehosaphata chuan a hlau va, Lalpa zawng tûrin a inpe a; Judai ram zawng zawngah chaw nghei tûr thu a than vêl a" a ti a. Chang 1-na in "chumi hnuah chuan" a tih hian hnam pum huap harhna a kawk a, thlaraua harhna a ni. Ram khan malsawmna nasa tak a dawng a, mahse indona khan a chhunzawm tlat a ni.

Thil engkim sang taka awm pawh hian hnuai lam a nei vek a.  Hnehna zawng zawng hian chak lohna a nei a. Malsawmna tinrengah hian fiahna a tel a. Indona hmunah i awm lo a ni mai thei, mahse naktukah emaw, a lehpekah emaw, engtikah emaw chuan eng indona emaw i la hmachhawn ang. Malsawmna i beisei tur a ni a, mahse i nun hian indona a beisei tel tur a ni.

Hun khirh tak tak i tawng anga. Mahse hun beidawnthlak tak takte kha i intih zamtir mai tur a ni lo. Tawngtai tamtir chein, Pathian lam a hawitir hmasa thin tur che a ni.

Ngaihtuah zui atan...

Vawiin hian eng dinhmun khirh tak nge i tawn mek le?

Harsatna i neihin khawi lam nge i pan thin? Tunge i biak hmasak ber thin?

Harsatna nasa tak mai i tawn thinte pualin tawngtaina hun hmang la. Pathian thlir dan anga thlir thiam thei turin Pathian hnenahdil ang che.

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...