_Min Ti Danglam Ta_
- Rick Warren
- July 23, 2024
“Intihbuaina ata lo inthiarfihlim hi thil duhawm a ni a, mi a apiangte chu an insual thin.” (Thufingte 20:3)
Mi fing chuan buaina ni lo vin, remna an siam zawk thin. Inhnial inring rengin an awm lo va. Insual an tum ngai lo va. Mi dang a pawng ataka tihbuai an duhlo bawk a ni.
Mi kiangah hun engemaw chen i khawsak chuan an nihphung leh awmdan chu i hre nghal thei ang. Chutianga in titi chhohna ah chuan inhnialbuaina tur chu i hmu thuai ang. Mi in kan rilru natna tur emaw kan huat zawng tak an sawi hlauh phei chuan chu chu buaina siamna atan hmanraw tangkai takah i hmang thei a ni. Chu chu i hman vaih chuan, engtiklai pawhin buaina a chhuak thei reng a ni.
Bible-in chu nungchang chu engtin nge a sawi? Atthlak a ti! Atthlak taka chetna chuan thil chingfel zawngin emaw inlaichinna tha siam zawngin min hruai theilo thin. Diktak chuan, inlaichinna a ti khawlo va. A atthlak a ni.
Thufingte 20:3 chuan, “Intihbuaina ata lo inthiarfihlim hi thil duhawm a ni a, mi a apiangte chu an insual thin,” a ti.
Tute pawh hian inlaichinnaah chuan midang chhanlet dan kan ngaihtuah theuh va. A chang chuan rilru a hliama, min tina thin a, kan beisei kan hmulo fo. Finna kan tlakchham avangin chutiang chuan kan awm lo thei thin si lo va.
Chutianga chet kan lakdan chu hetiang hi a ni:
*Khaikhin-*I nupui, pasal, i fate, i pu leh midang pawh chu midang nen khaikhin ngai suh - achhan chu tute pawh hian danglamna kan nei. Khaikhinna chuan thinrimna mai a chawkchhuak thin.
*Mawhpuh-*Thil dikloah midang i mawhpuh chuan, i beisei ang inlaichinna tha chu i hmu lo vang. Awmze nei lo, thil atthlak a ni.
*Inkalh-*William James, psychology lama sulsutu chuan, “Finna chu enkan tur enkan thiamna hi,” a ti. Thil thenkhat chu entlak pawh anni lo mai thei; enkan mai kha a tha a ni.
Bible-in Thufingte 14:29 ah chuan “Thinur har mi chu finna nasa tak nei mi a ni a, mi ti thawt thawt erawh chuan atna a chawimawi,” a ti. Thinrim avang tawng chhuah emaw thil tih i nei tawh em? Kan nei vek tawh a ni. I thinrim chuan, i finna chu tukverhah a chhuak daih thin. Mahni mawnghlimna mai thil tih leh sawi i nei ta thin a ni.
Saptawngah chuan thinrim (anger) leh hlauhawm (danger) inanlohna chu hawrawp pakhat chauh a ni. I thinrim chuan, hlauhawm rambialah i lut thuai thin. Midang leh nangmah ngei pawh i tina tep tawh tihna a ni.
Thinrimna chu nangmah a tha ber i pe tur a ni lo. Buaina thlentu nilo vin, remna siamtu i ni thei a ni. Thufing hi zawm la: I thirimna chu thunun la, inhnial buaina pumpelh rawh. Nangmah nena inlaichinna neite chu i thiltih avangin an lawm ang.
Ngaihtuah zui atan
* I nunah midang chhanletnana i hman thin kha engthil te nge?
* I hnung lamah engtin nge an sawi thin che? I thinrimna chuan nang leh midnag engtinnge a nghawng?
* Engtik lai khan nge thinrimna leh inhnial buaina lak ata talchhuah i tum? Eng nge a rahchhuah ni le?
*[Lettu : Sangpuia]*
No comments:
Post a Comment