_I_ _Mamawh Tawpkhawk Pathianin A Pek Dan Che_
By Rick Warren
— July 18, 2024
“Lalpa, in Pathian chu rinchhan ula, in dingchang ang. A zâwlnei thu sawi kha ring ula, in hlawhtling ang.” [II Chronicles 20:20]
Pathian ring lova i buaina zawk i thlir a nih chuan, i hah hlein i tlawm hlauh thei – a chhan chu chutiang indona chu nangmah maia hmachhawn tur i ni lo. I buaina hmachhawn tur chuan chakna i nei tawk hek lo. Pathian thiltihtheihna i mamawh a ni.
A rualin vawilehkhatah Pathian leh i buainate chu i thlir kawp thei lo vang. Pathianin i tana a thutiam chu fiah taka hmu tur chuan i thlir dan siamremin Pathianin i en a ngai a ni.
Hringnun hi nangmah fiahtu thil chi hrang hrangin a khat a, nangmah tihah a, tibo thei thil te pawh an ni hial ang. Mahse i chauh tawngkhawng hun leh a tawpa Pathian hnenah, “A pawi ka ti hle mai. Ka thei tawh lo a ni a, keima lamah chuan engkim ka chhuah e. I kutah ka hlan che a ngai a chhan chu keimah aiin a lian zawk tlat” i tih chang a awm hial ang.
Chutianga i tih hun chuan – mahni inrintawkna sang tak leh Pathian nihna nen nghet takin i ding tihna a ni thung. A Thu leh Thlarau Thianghlima nangmah a hriattir che chu i ring tihna a ni.
Hringnun phur hi a rih zual viau chang chuan, chu phurrit hnuaiah chuan bihruk chak chang i nei ang. Mahse Pathian chuan chung hun khirh karah chuan tlawm mai lo turin a duh che. I nun zahawmna nena thleng mai lo turin a duh bawk che a ni. Pathian chuan hun harsa karah chuan amah ringa zir zel turin a duh che.
I tlanchhia a nih chuan Pathian aṭanga tur chu i zir thei ngai lo vang. Chung zirlaite chu i zirnawn a ngaih hmel hial bawk. Pathiana i innghah chuan nghet takin ding zawk ang che.
Pathian chuan hlawhtling ngei turin a duh che. Mahse amah chu i thlir a, a Thu chu engkimah i rin a ngai thung ang.
“I thinlung zawng zawngin Lalpa ring la,
Nangma hriatnaah innghat hauh suh,
I thiltih apiangah Lalpa hre reng ṭhîn la,
I kawng a tihtluansak ang che.
Mahni fing inti hle suh la,
Lalpa ṭih la, sual kalsan rawh.” [Thufingte 3:5-7].
Ngaihtuah zui atan.
Eng buainain nge tihah chein fiah mek che? Pathian ṭanpuina i beisei tur chu engtin nge a tihbuai che?
Pathian nihna leh a Thua rinna nghat tih chu engnge a awmzia? Chutiang rinna neitu chu engtiangin nge i lo hmuh ve tawh?
Vawiin hian Pathian leh a Thu chu thuk zawkin engtin nge i ngaihtuah theih ang? Pathianin i tana a thutiam chu fiah zawka hmu thei turin engtin nge i nungchang i her danglam theih ang?
[ *Lettu* : Peka]
No comments:
Post a Comment