Hun Rei Daih Thil Ngaihlu tura Buatsaih
By Rick Warren
— June 20, 2024
“Mi â chu hâwn nachâng hre lovin
A inthawk chau hnêp ṭhîn.” [Thuhriltu 10: 15]
Pathian i ni lo. Thil engkim chhanna i ni lo. Thil engkim titheitu i ni lo. I nun kha inbuk tawk taka hman I duh a chutiang thinlung i pawm chuan thil engkim a tidanglam ang.
Bible chuan “Mi â chu hâwn nachâng hre lovin
A inthawk chau hnêp ṭhîn,” tiin a sawi [Thuhriltu 10: 15]
Taksa chhe vek khawpa hna thawh chu atna mai a ni. Nghawrh lehzuala hna i thawh chang chuan Pathian chu i chhaih thinrim lehzual tihna a ni ang. A awmziaah chuan thil engkim innghahna chu nangmah i ni tihna ang deuh a ni.
Chu chu thudik a ni lo! Leilung leh khawvela thuneitu sang ber chu i ni lem lo. Leilung leh van thengrengte chu i nun siamthat i tum lai chuan an lo la tla mai lo vang, Pathianin a thuhnuai a ni.
Keimahni leh keimahniah kan ti fo, a chhan chu mi zawng zawng tihlâwm kan tum vangin. He thu hi vawiin chu zir ang che: Mi zawng zawng a tihlâwm theih loh. Pathian meuh pawhin mi zawng zawng chu a tilawm chuang lo! Mi pakhat chuan ruah sur a duh a. Midang chuan ni sa a thlahlel thung a ni. Pathian meuh pawhin a tihtheih loh thil lo buaipui chu a atthlak ngei mai.
Midang tihlâwm tuma i hmanhlel a nih chuan i kovah “tih tur” hrang hrangte chu a thuah tup mai ang. Inchherchhuan tul dangin a zui zut mai ang. “Darkar tam zawk ka thawh a ngai a ni” i ti mai thei. “Nu leh pa dang ang bawkin ka taimak a ngai a ni” tiin. A nih loh pawhin “he hnaah hi chuan ka inpek a ngai a ni.” Mahse hei hi hria ang che: rim tawngkhawngna thawh chu tuman an tilui lovang che. I duhthlannain a ken tel emaw a sawhkhawk emaw chu i duhthlanna a innghat a ni.
I mihring nihna kal pel a, thil engkim tih I tum a nih chuan Pathian chu a ropuina i chhuhsak hlek hlek tihna a ni ang. Bible chuan II Korinth 4: 7 chuan Nimahsela, he thiltihtheihna ropui tak hi keimahnia chhuak ni lovin, Pathiana chhuak a ni zâwk tih a lan chian theih nân, chu ro chu hlumbêlah kan vawng a ni.”
Paula chuan mihring kan ni tih min hrilh nawn a. Kan chak lovin kan dawrawm a. Hlumbel chu awlsam takin a keh mai zel. I thlak a nih chuan an keh mai ang. Hlum bel chu fimkhur tak leh uluk taka chelh a ngai a ni. A nih loh chuan, an keh chhia ang.
Chanchin tha chu hei hi a ni, kan chak lohna zawnah hian Pathian thiltihtheihna leh ropuinate chu tarlan an ni. I mihring nihna anga i chak lohna chu thuhruk loh tur a ni. Pathian thiltihtheihna leh ropuina chu chu I chak lohna hmuna i lo lawm [celebrate] mai kha a tawk viau awm e.
Pawm mai rawh: Mihring mai I ni e. Pathian hnenah lawmthu hrilh rawh!
Pathian nihna i tawmpuina lai zawn kha pawm bawk la. I rilruah buaina tam takte chu chinfel a ni ang.
Ngaihtuah zui atan.
I hnathawh hmang chuan tu nge tihlâwm i tum?
Thuziak tawngkam pakhat chuan hetiang hian a sawi, “nangmaha engkim tihfel vek i tum hian Pathian ropuina ruksak i ni.”
Tun karah hian i ni hman turah chuan engtiangin nge hlawk zawkin hun i hman ang?
[*Lettu*: Peka]
No comments:
Post a Comment