Friday, June 21, 2024

CHAWLHNIAH ENGNGE I TIH ANG?

Hun Rei Daih Thil Ngaihlu Tura Nun Buatsaih

By Rick Warren
— June 21, 2024

“Ni ruk chhûng hna i thawk ang a, i hna zawng zawng i thawk thei ang.  A ni sarih ni erawh hi chu Lalpa tâna sabat ni a ni a, hna eng mah i thawk tûr a ni lo.” [Exodus 20:9-10]

Mitinte hian hnathawh kher ni lo thil dang tihtur kan thlan thiam a pawimawh fo. Kan thlang lo a nih chuan kan chawl hahdam ngai lovang. Kan in thawk ral vek mai ang!

Thal ngul leh thal fang ang deuh a ni. Thal ngul reng reng pawh mar reng a nih chuan a chakna a bo ve zel a. A khat tawka thlahdul tur a ni. Hun bi mumal zawk nangmah leh nangmah i insiam a, ngun taka i chhut a ngai a – chutiang hunah chuan midang nangmah endiktu i insiam ṭhin ang. 

Chawlh hahdamna chu hlimhlawp satliah emaw thurawn tha tak emaw a ni satliah lo. Pathian thinlungah chuan a pawimawh em avangin Thusawm pekah a dah hial a – “tual that suh,” “Dawt sawi  suh,” “Ru suh” tihte nen huang khatah dah an ni. “Ni sarih chhungin ni khat chawl rawh” tih chu Pathianin nun ṭha 10 a duan zingah a tel phak a. Chu chu keini pawhin kan zui ve tur a ni ang em? 

Bible chuan, “Ni ruk chhûng hna i thawk ang a, i hna zawng zawng i thawk thei ang.  A ni sarih ni erawh hi chu Lalpa tâna sabbat ni a ni a, hna eng mah i thawk tûr a ni lo,” tiin a sawi [Exodus 20:9-10]. Chu chu sabbath kan tih chu a ni, a awmzia chu “chawlh ni,” tih a ni. Sabbath ni chuan engnge i tih ang? 

*I taksa chawlhtir rawh.* Chawlh i lak loh chuan i taksa chuan chawlh a lak tho tho a ngai ang. I hnung a kham ang a. I lu a na ang a. Hrisel lohna emaw i chhar ang a. Pathian chuan i taksa chu chawlh la lo turin a din lo. A chang chuan Sabbath nia thiltih thlarau ber pakhat ni thei chu mut veng veng a ni hial!

*I rilru tuaithar rawh.* Hei hi tihdan a inang kher lo. Thenkhat tan chuan ngawi renga awmin an intuaithar a. Thenkhat chu intihhlimna hmangin an intuaithar thung. Thenkhat thung chu mite nena inpawlna hmangin an intiharh bawk. I rilru engin nge tuaithar thei tih chu chhut la, chu chu I Sabbath hman danah chuan telh ve rawh. 

*I thlarauin a thil en chu chhut nawn rawh.* Sabbath ni chuan Pathian chibai i buk a ngai. I harsatna thlir lovin Pathian en ang che. Pathian chibai bukna chuan thil dang zawng zawng a her rem a ni. I buaina a ti te a. Pathian chu a lalthutphahah a la thu ngei a ni tih a hriat nawntir che a, engkimah a tanpui thei che. Tichuan kar tluana i buaina zawng zawngte chu an te riai riai mai ang. 

Mitinten kan nunah Sabbath kan mamawh ṭheuh. Pathian ni a nih kher a ngai lo. Kar khata ni eng emaw ber chu a ni mai thei ang a, khar khata ni khat eng emaw ber chu i taksa hahchawlh nan, i rilru tuai thar nan leh i thlarau her remna atan i hmang thei ang. 

Ngaihtuah zui atan. 

I rilru, taksa leh thlarau chuan engtin nge chawlh i mamawh zat i hmu lo tih hriattir ṭhin che? 

Taksain a mamawh tawka chawlh hahdam loh chuan Pathian thuawih lohna a ni tih in hria em? Chu thil i ngaihtuah chang chuan engnge thlak danglam ngai nia i hriat? 

I rilru tuaithar tur chuan eng nge tih ṭha ber? 

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...