Hun Rei Daih Thil Ngaihlu Tura Inbuatsaih
By Rick Warren
— June 14, 2024
“Pathian hmangaihtu, ama ruat anga a kohte tân chuan, an ṭhatna tûrin engkimin a thawhsak ṭhîn tih kan hria.” [Rom 8:28]
Mi tam berin kan thil hlauh lian tak pakhat chu hmalam hun a ni. Kan chhungkaw thuhlaah te, kan thiante chungchangah te, kan hna leh mite nena inkar thuah te – thil chi hrang hrangah hlauh kan nei.
Chu chu thil pangngai a ni. Ka thuneihna piah lam a ni. Mahse chu hriatna chuan min tihhlauh kher a ngai lovang. Pathian thuk zawka ring turin min pui zawk rawh se.
Ka hmalam hun chu kan thuneihna piah lam a ni lo thei a, mahse Pathian thuneihna hnuaiah erawh a awm. Leilung pumpui hi ama siam a ni. A duh phawt chuan, Lalpa chuan thawkhlehkhatah engkim a awmtir thei. Mahse hun eng emawzat sengin a lo kal tawh bawk. Mihringte hun hi a vawrtawp panin a kalpui mek a, chu chu a kalkawng a ni. Engtik niah emaw chuan khawvelah hian a lo let leh ang. Engmahin an dal lovang. Hun kal tawha hna a lo thawk tawh ang chiah chuan hun lo la awm tur a hawipui mek che a, i nunah chuan awmze nei zawkin a kalpui zel ang che.
Bible chuan “Pathian hmangaihtu, ama ruat anga a kohte tân chuan, an ṭhatna tûrin engkimin a thawhsak ṭhîn tih kan hria,” tiin a sawi. [Rom 8:28]
Pathian Thu chuan thil zawng zawng a tha e a ti lova. Engkim a thlentir a ni pawh a ti lo. Indona pawh a thlentir lo. Cancer thlentu pawh a ni lo. Inpawngsualna, nau tihtlak, inpawngnekna emaw inkhuaikhemna emaw thlentu pawh a ni hek lo. Sual thlentu pawh a ni lo. Keimahni tih a ni. Pathian chuan duhthlan theihna zalenna min pe a ni. Sualna chu zalenna hman sual man a ni.
Mahse, Bible thung chuan Pathian chu kan thatna turin engkimah a thawk tih min hrilh. Atna, sualna, thutlukna dik lo kan nuna kan siam tawh chu amah kan rin chuan kan thatna tura a thawh theihzia a sawi. Rom 8: 28 hi mi zawng zawng tana thutiam a ni lo. “Pathian hmangaihtute tan a ni.” Pathian ringtute tan niin “Lalpa, ka nun kehsawm lai zawng zawng hi min tuam dam sak leh rawh titute tan a ni.”
Chuvang chuan chanchin thar nitina kan ngaihthlak apiangin, ka buai ngai lem lo. A dik chiah, khawvelah hian buaina tam tak a awm a, mahse Pathian chu thuneitu a la ni tho. He khawvel hi a vawrtawp lam a hawipui mek a ni. A mite chu a thatna vawrtawp neihtir turin a hruai mek. Engtik niah emaw chuan Pathian chuan an thatna turin a la thawk famkim ang.
A chhan chu, Pathian chu thuneitu a ni, kan engkimin amah chu kan ring thei ang – thil thaah leh thil tha loah leh kan hlauhnaah te chuan.
Ngaihtuah zui atan.
Pathian chu engkim chungah thuneitu a ni tih hriatna chuan amah ring turin a buatsaih che?
Pathian chu thutlukna dik lo chu herremin thil thaa a chantîrna chu i lo hmu ve tawh em?
Eng ang hlauhna nge Pathian hnenah chuan i hlan tur chu ni?
*Pathian chu i ring tawh em?*
“Isu duhtak, ka sual avanga nangmah hlata awm chu ka duh tawh lo. I thutiamah chuan Isua ka ring a nih chuan, ka thil lo tihsual tawh zawng zawng min ngaidam dawn tih min hrilh a, ka dam chhan chu min hmuhtîr dawn tih min hrilh bawk, tichuan i chhungte zingah chuan min la lawmin eng tik niah emaw chuan chatuan nun nei turin vanramah min la hruai danw tih ka hria.
Ka sual a ni tih hi ka pawm bawk, i ngaihdamna ka rawn dil a ni. Isua chu ka sualte min lakbo sak turin a thi a, i kaitho leh a ni tih ka ring bawk. Isua chu min Chhandamtu a ni tih ka pawm a, ka Lal a nih anga zui ka duh bawk vawiin aṭang hian.
Ka nun hi min siam ang taka hman ka duh a. Min hruaiin i duhzawng tih min zirtir ang che. Isua hmingin ka dil a che. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[*Lettu* : Peka]
No comments:
Post a Comment