Thursday, June 13, 2024

I HLAUHNA HMUNA PATHIAN CHHANNA CHE

Hun Rei Daih Thil Ngaihlu Tura Nun Buatsaih

By Rick Warren
— June 13, 2024
 
“Pathianin min hmangaihna chu keimahni ngeiin kan hria a, kan ring ta a ni... hmangaihna famkim chuan hlauhna zawng zawng a hnawt bo zâwk ṭhîn.” [1 John 4:16, 18]
 
Mi eng emaw zatte hi engvangin nge Pathian chu a pumhluma an rin lo tih hi ka lo zawt ve nual tawh. Chhan pathum zinga pakhat a ni fo: Mite thil hlauh lian tak pakhat chu an nun chu a pumpuia Pathian hnena an hlan a nih chuan, an zalenna an hloh dawn a, an hlimna a kiang ang a, hlim-rui satliahah an chhuak mai ang tih an hlau a ni.
 
A vai chuan a itawm loh em em a ni!
 
A nihna takah chuan mite chuan an hlau a ni. Pathian hi kan nun pumhlum atana rin kan harsat fo. Pathian erawh chuan amah rin kan ngam loh avanga chhanna a nei. Bible chuan, “Pathianin min hmangaihna chu keimahni ngeiin kan hria a, kan ring ta a ni... hmangaihna famkim chuan hlauhna zawng zawng a hnawt bo zâwk ṭhîn,” tiin [1 John 4:16, 18]
 
Pathianin a hmangaih che. A hmangaihna avanga siam i ni. Bible-ah hian vawi duai lo, Pathian chuan chiang takin a sawi. Pathian chuan amah hmangaih turin a siam che a, amah hmangaih dan a kawhhmuh bawk che.
 
Pathian hmangaihna puan chhuahna ropui ber chu Isua a ni. Pathian chu he leiah hian mihring angin a lo kal a, a nihna tak tak puang turin a rawn chhuk a ni. Kraws-a thiin engtiang takin nge min hmangaih tih a rawn puang a ni.
 
Kraws chuan Pathian chu tihtak zetin kan hmangaih thei a ni tih a sawi a. Kan tana a Fapa nun a pek hial avangin kan nun pumpuiin kan ring thei tih kan hria.
 
Pathianin a Thuah chuan a hmangaih che a ni tih a sawi a, i zalenna emaw i hlimna emaw chu mi pangngai loah chantir chein a laksak lo ang che.
 
Pathian chu leilung tihchhiat nuamti a ni lo. I van Pathian a ni.
 
Pathian chu i hriat deuh deuh ang zelin i ring deuh deuh ang. Eng vangin? A chhan chu i bul vela thilte chu i hmu vek ang – a Thuah chuan, i nunah chuan, khawvel a din ngeiah chuan – a hmangaihna tarlangtu apiangah chuan. Amah i hmangaihna a thang deuh deuh ang zel chuan, i hlauhna pawh a kiang zel ang.  
 
Ngaihtuah zui atan.
 
I nun pumpuia Pathian ring tur chuan engnge i hlauh ber?
 
Mi tute emaw nunah chuan hlauhnain Pathian an rinna engtin nge a lo tihbuai tawh?
 
Engtin nge Pathian hmangaihna hriat chianna chuan amah ring turin a tanpui che?
 
[*Lettu*: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...