_Hun Rei Daih Thil Ngaihlu Tura Nun Buatsaih_
- Rick Warren
- June 29, 2024
_"I ngaihtuahnate khan i nunkawng a kaihhruai avangin fimkhurpui hle rawh."_ (Thufingte 4:23, NCV)
Mipat-hmeichhiatna kawnga indona hi i rilruah hnehna leh chak lohna a awm.
Thlemna zawng zawng hi rilruah a inṭan. Thufingte 4:23-ah chuan heti hian kan hmu, _"I ngaihtuahna khan i nunkawng a kaihhruai avangin fimkhurpui hle rawh"_ (NCV). Mipat-hmeichhiatna kawnga tlukna emaw hnehna emaw hi rilru a inṭan a ni.
Tu emawin an nunah harsatna lian tak an hmachhawn mek i hmuhin an harsatna bul ber chu an thil tih vang ni lovin an rilru aṭanga inṭan zawk a ni tih i hrethiam ang. Thutlukna âtthlak tak an siam hmain ngaihtuahna âtthlak tak an nei ṭhin. Hei hi Bible-in chiang takin a sawi a, thiam zirnain (science) a rawn ṭanpui bawk: I ngaihtuah dan khan i dawn sawn dan a hril. Kan dawn sawn dan, kan ngaihtuah dan hian hian kan chet chhuah dan a hril ṭhin. I nun thlak danglam turin i chin ṭhan, i thiltihah i inthlur bing mai lo. Chutiang ni mai lovin engin nge thlen tih i zir ṭhin - ngaihtuahnain dawnsawn dan a hril a, chu chuan a taka kan chet chhuah dan a hril ṭhin. I ngaihtuahna khan i nun a kaihruai ṭhin!
Hei hian chetsualna thlen dan a tifiah hle.
A hmasa berin i rilrua ngaihtuahna sual lo awm i pawm hmasa phawt: "Saw mi nena mipat-hmeichhiatna hman saw engnge a ang an le? A dik lo viau em?" tiin. I ringhlel a, i rilruin a nawm dan tur i suangtuah zui a. A pawi lo niin i ngaihtuah zui a.
Mahse chutiang a i hauh lo. I suangtuahna khan châkna a hring a, châkna chuan a tawpah a taka chêtna a hring leh ngei ngei ṭhin.
Tichuan a taka chetna ni lo, rilrua suangtuahna ramah i cheng a. Chutah tak chuan nula/tlangval i chhaih ta ṭhin a ni. Cheziaa lantirin thiam takin "heta hi ka awm e" ti ni awm takin i che ṭhin. Hemi zawhah hian a taka chet chhuahna a thleng ṭhin. A tawpah chuan i thiltih sawi mam tumin: "Mi zawng zawngin an ti ve vek. Thil pawi tham a ni hleinem. Puitling ve ve alawm kan nih," i ti ṭhin.
I rilruah ngaihtuahna sual i pawm aṭang chiah khan thil sual i tih i ṭan ṭhin.
2 Tim. 2:22-ah chuan kan ngaihtuahnain heng kawng a zawh loh nan hian tih dan tur min kawhhmuh: _"Nimahsela, tleirawl châknate chu tlansan la, thinlung thianghlima Lalpa lam apiangte zingah chuan felna te, rinna te, hmangaihna te, remna te um ve rawh."_
Bible-in tisa châkna hawisana ṭha lam um zawk turin min hrilh. Hei hi thlemna a lo awm hma hauha thlemna awm thei tur dona kawng ṭha tak a ni. Thil dik lo i tih hmain thil dik lo i ngaihtuah hmasa fe hman tawh ṭhin. Chu thil inkhai diat chu ngaihtuahna sual hawisan a, thil ṭha, fel, hmangaihna leh inremna lam i hawi khan i tawpsan dawn a lo ni.
Mipat-hmeichhiatna dik lo taka hmannaah hian engmah hre lova thlirtu mai i ni lo. Duhthlanna theihna i nei - kawng dik zawh theih nan i mamawh engkim Pathianin a pe che.
Ngaihtuah zui atan.
Engtinnge ngaihtuahna sual te hi i lo hmuh dan- hur sualna thil a niin i hria nge hre lo - suala min hruai lutin i hria em?
I ngaihtuahnaa tisa châkna i sual mek laiin tunge i harsatna i hrilh ngam ang? Anih chuan, Pathian hnenah emaw chumi hnenah emaw chuan i ngaihtuahna te chu bun chhuak rawh.
I ngaihtuahna sual kai te chu eng thil ṭhain nge i thlak ang?
*Vawiin hian Isua i zui dawn em?*
Engpawh tiin eng kawng pawh lo zawh tawh mah la, Pathian hmaah i sual i puan a, a siam ang che a nung tura i inpek phawt chuan ngaidam tur chein Pathian chu a inpeih reng.
Bible chuan vanram hi i hlawh chhuak thei lo a ti. Pathian Fapa, Isua Krista i rin chauhin i lut thei: _"Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e."_ (Ephesi 2:8-9)
Isua hnena inpe tura i inpeih chuan heti hian ṭawngṭai rawh le:
"Lalpa, i Fapa Isua Krista ka rin phawt chuan ka sualte ngaihdam a ni ang a, engtik niah emaw vanramah min lo pawm ang tiin min tiam a.
"I hmaah ka sual ka puang a, i ngaihdam ka rawn dil e. Ka sual lak bo anih theih nan ka ai Isua a thi a, nangin i kai tho leh a ni tih ka ring e. Vawiin aṭang hian Isua hi min chhandamtuah ka pawm a, ka Lal atan ka thlang e. Min hruai la, i duhzawnga nung turin min pui ang che. Isua hmingin, Amen."
Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.
[Lettu: Mapuia Fanai]
No comments:
Post a Comment