Thursday, June 27, 2024

MIDANGTE NGAIHDAM DAN KAWNG LI

_Thil Rei Daih Ngaihlu Tura Inbuatsaih_

By Rick Warren
— June 27, 2024
“Huatna te, thinurna te, tauhna te, ânna te, sawichhiatna zawng zawng te nangmahni aṭangin paih bo rawh u, sualna zawng zawng nên. Inkhawngaih tawnin inlainat tawn ula, Pathianin Kristaa a ngaidam che u ang hian inngaidam tawn rawh u.” [Ephesi 4:31-32]

Mi tam berte chuan ngaihdamna awmzia hi kan hre fuh tawk lo hle. Mi tam zawkte hian ngaihdamna tih awmzia hi hre chiang lehzual sela ka duh hle mai, hre chiang sela chuan mite ngaihdam chu hun liam tawha buaina vawn reng ai chuan an duh ngei ang. 

Bible chuan chiang takin mite ngaidam turin min hrilh a. Galatia 6:1 chuan hetiang hian a sawi, “Unaute u, miin sual a ti lai phâwk ula, nangni thlarau mite chuan chu mi chu dimdawi takin tundin leh tum ṭhîn rawh u; nangni pawh mahni invêng ṭha ṭheuh ula, thlêmna in tâwk ve dah ang e.”

Tichuan, Pathianin midangte ngaidam tura min duh a nih chuan, Bible duh dana mite ngaihdam dan dik leh thianghlim chu eng nge ni ta ang? Miten min tihnat tawhna avanga kan buaina chu hetiang hian kawng liin a chinfel theih ang. 

Pakhat, tumah famkim an awm lo. Tute emaw kan huat chuan, mi tute emaw anmahnia a ṭha lo lam kan thlir tihna a ni. Thinrimna leh khakna leh natna kan nei a nih chuan, a tisualtu chu mihring a nihna angin kan thlir lo tihna a ni bawk. 

Mahse, kan inang vek. Bible chuan “Not a single person on earth is always good and never sins” tiin a sawi [Thuhriltu 7:20]. Kan famkim lo vek.

A dawtah chuan i dikna anga i ngaih chu dahbo rawh. Chu chu ngaihdamna thinlung chu a ni. Bible chuan hetiang hian a sawi, “Duh takte u, in phuba la suh ula, Pathian thinurna kian zawk rawh u, 'Phuba reng reng keima lak tur a ni, keiman ka thungrul ang,' Lalpain a ti, tih ziak a ni si.” [Rom 12:19]. Midang runluih chu in diknaah in ngai mai thei a, mahse in tih loh a finthlak zawk ang. A dik lo a ni mai lo va, a hrisel lo. Tin, chu chu thutlukna vawi khata thleng a ni mai lova, chu chu nitina thil thleng, a tahtawl tetea thutlukna siam ngai chi a ni. 

Chuvangin, sual chu ṭhatnain thungrul ang che. Chu chu Pathian ṭanpuina tel lo chuan thil theih loh deuh thaw a ni. Isua hmangaihnaa chhun khah nawn leh i ngai ang. Eng vangin? A chhan chu Pathian hmangaihna chuan thildik lo a chhui ve lo [I Korinth 13]

A tawp berah chuan, Pathianin i nun tana a ruahmanna chu thlir nawn leh rawh. Nangmah tinatu che thiltih leh i natna chu en tawh suh. Chu aiah chuan, Pathianin i tana ruahmanna a siam chu thlir nawn leh ang che, i buaina hmachhawn mek emaw i natna tawrh mek aia ropui zawk vek chu a ni si a. 

Nangmah tinatu che i thlir chhung chuan, chu mi chuan a thunun che tihna a ni. Dik tak chuan, nangmah tinatu che chu i chhuah zalen lo a nih chuan, nangmah tinatu ang chuan i awm zel tihna a ni bawk. 

I thinrimna chu niin tlakpui suh se. Mi tute emaw avanga i natna i la vuan reng a nih chuan, heng rahbi pali hmang hian hmalam pan turin inbuatsaih rawh le!

Ngaihtuah zui atan

Engtik laiin nge sual chu thatnaa i lo chhan ve tawh? Engtiang chiahin nge thil awm dan chu a danglam? 

*I nunah khan eng berin nge nangmah an tihnat che avanga i chelhna chu i thlah tawh a ni tih lantir?* 

Eng vangin nge mi tam takte chuan an natna chu thlah mai lova an vawn tlat zel ni ang? Engtin nge khakna chuan tute emaw chu an rilru leh taksa a sawisaksak ṭhin? 

Isua chu i Lal leh Chhandamtuah i pawm tawh em? 
Thil eng pawh lo ti tawhin khawi hmunah pawh lo awm tawh la, Pathian chatuan mite zingah chuan chhungte neiin nghakhlel takin an lo thlir renga  che. Sawmna chu zau taka hawn a ni a. Ring la chang mai rawh. 

I inpeih tawh em? He ṭawngṭaina hmang hian bul ṭan rawh le: 

“Isu duhtak, ka sual avanga nangmah hlata awm chu ka duh tawh lo. I thutiamah chuan Isua ka ring a nih chuan, ka thil lo tihsual tawh zawng zawng min ngaidam dawn tih min hrilh a, ka dam chhan chu min hmuhtîr dawn tih min hrilh bawk, tichuan i chhungte zingah chuan min la lawmin eng tik niah emaw chuan chatuan nun nei turin vanramah min la hruai danw tih ka hria. 

Ka sual a ni tih hi ka pawm bawk, i ngaihdamna ka rawn dil a ni. Isua chu ka sualte min lakbo sak turin a thi a, i kaitho leh a ni tih ka ring bawk. Isua chu min Chhandamtu a ni tih ka pawm a, ka Lal a nih anga zui ka duh bawk vawiin aṭang hian. 

Ka nun hi min siam ang taka hman ka duh a. Min hruaiin i duhzawng tih min zirtir ang che. Isua hmingin ka dil a che. Amen.”

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...