Hun Rei Daih Thil Ngaihlu Tura Nun Buatsaih
By Rick Warren
— June 07, 2024
“Mi fingte chuan hriat belh an duh a, Mi mâwlte chuan mâwl renga awm an duh tâwk.” [Thufingte 15:14]
Kan rilru hian thil dang zawng zawng a thunun ṭhin. Kan ngaihtuahna chuan kan nuam tih zawng a hruai a. Kan nuam tih zawng chuan kan thiltih a hruai bawk.
I thil ngaihtuah kha a pawimawh, a chhan chu thil zawng zawng bul chu rilru a ni si a. Mi hlawhtling ni tur chuan i ngaihtuahna i thunun a ngai.
Mahse mahni inthiamlohna dik lo lak aṭang chuan ka lo tiveng ang che: I rilru a thil awm zawng zawngah khan i thiam lohna a awm hran lo. Ngaihtuahna vak vai chu i rilruah chhan hrang hrang avangin a lo lut a, mite thusawi eng emaw i lo hriat ruk palh vang a ni thei a, Setana’n i rilrua thil eng emaw a dah vang pawh a ni thei.
Chutiang ngaihtuahna vak vai i rilrua awm i lo dawnsawn dan erawh chu i thu a ni thung. Martin Luther-a khan hetiang hian a sawi: I lu chungah chuan sava thlawk lo turin i ti thei lo vang, mahse i lu chunga an bu chhep lo tur erawh chuan i inthunun thei ang” tiin.
Pathian chuan i rilrua thil lut avang chuan ro a la relsak ang che.
Mi ṭhenkhatten an thil en hi chu mak ka ti ṭhin – an faten an thil en chu sawiloha lum a ni zawk. Isua zuitu tam takte chuan TV hmaah thuin mite inkhawmna zirtir nei mumal lo, thinlung leh zirna atana tangkai reng reng lote chu an en chawt zel. Thil hmuhnawm satliah uchuak tak tak chu sum tam tham fu chawiin an en fo. Chutiang thil entuten thil min hrilh pakhat chu, “Chutiang thil ka hmuh chang chuan, min khawih lem lo. Min tibuai miah lo. Min nghawng lem lo,” tiin.
Mahse chung chu a dik lo!
Scienitist hoten an zir fe hnua an thil hmuh chhuah pakhat chu eng thil mah hi kan theihnghilh mai lo tih hi a ni. Chutianga in tawnhriatte chu ngaihtuah chhuak zung zung lo mah ila, eng thil emawin a chawh thawh hunah chuan fiah kakin a lo la inlar leh ang an ti.
Tawngkam danga kan sawi chuan “bawlhlawh chhungah, bawlhlawh pawnah.” I rilrua i thil dah ang ang chuan i nungchang leh thil pawm danah a lang ang. Dik tak chuan, intihhlimna lepchiahin a tibuai tawh lo che a nih chuan i lo kal thui mah mah tawh tihna a ni ang.
Setana bumna lian tak pakhat chu nun suala awm tura a sawmna kawng che chu fiamthu a ni. Chuvang chuan, Tv emaw movie emaw, thil dukdak lo reng reng te chu fiamthu hmanga bul tan a ni fo. Setana thil pawi tham tak nuih liam mai mai tura a hneh tawh che a nih chuan indonaah chuan i tlawm tawh tihna a ni.
Sual chu a nuihzatthlak loh. Sual chuan Isua chu krawsah a thihtir a nih kha.
Thufingte 15; 14 chuan hetiangin a sawi, “Mi fingte chuan hriat belh an duh a, Mi mâwlte chuan mâwl renga awm an duh tâwk,” tiin.
Pathian thu hriat zelnaah chuan i riltam em, thil hmuhnawm mai mai umin Pathian thinlung chu i tina thin em? I thillung i chawm danah chuan thuneihna i nei e.
Ngaihtuah zui atan.
Eng ang media ber chuan nge thlem nasa ber che?
I thil ngaihthlak leh ente chu tu vang nge ni ber?
Chutiang nun [principles] chu i fate hnenah engtin nge i zirtir theih ang?
Isua chu i thlang tawh em?
Bible chuan Pathian Fapa Isua Krista ringin vanram i kai thei ang tiin a sawi. Vanram chu a thawha thawh chhuah theih a ni lo. “Rinna avânga khawngaihnaa chhandam in ni; nangmahni thawh chhuah a ni lo va, Pathian thilpêk a ni; thiltih avâng a ni lo ve; chuti lo chuan, miin an chhuang dah ang e,” tiin (Ephesians 2:8-9).
Chatuan nunna chungchanga Pathian thutiam hlen tur ring tur chuan i lo inpeih tawh em? A nih chuan, he ṭawngṭaina tawite hian han ṭawngṭai teh: “Lalpa duhtak, Isua Krista chu I Fapa a ni tih ka pawm a. Ka sualte thupha ka chawi a, i ngaihdamna chu ka dil a ni. Isua chu ka sualte la bo turin a thi a, i kai tho leh a ni tih pawh ka ring e. Isua chu Chhandamtuah ka pawm duh a, vawiin aṭang hian ka Lalpa atana zui turin ka inpeih e. Ka nun hi hruai la, a duhzawng tih min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[*Lettu* : Peka]
No comments:
Post a Comment