Friday, May 24, 2024

THINLUNG KEHSAWM? LALPA A HNAI E

Thil Tidanglam tura hrual

By Rick Warren
— May 24, 2024
“Thinlung taka lungchhiate chu LALPAN a hnaih ṭhîn a, Rilru taka inchhîrte chu a chhandam ṭhîn.” [Sam 34:18]

Kan thinlung hi eng emawti lai chuan a lo keh vek tawh awm e – beidawnna, hlauhna, zahna, hnawl nihna leh cheksawlhna te kan tawk tawh theuh ang. 

Thian angin han sawi ta ila, i thinlai a lo nat tawh avang chuan pawi ka tihpui khawp mai che. Ka ti tak tak. I natna paltlang tawhna chu ka lainat hle che, a chhan chu Pathianin a ngaihsak che. I natnaah chuan a na ve a ni. Lusun avanga i tah lai chuan Pathian chuan engnge ti ve anga i ngaih? Amah pawh a tap ve. 

Dik tak chuan, i natna hmunah ngei chuan Pathian a hnai ber a ni, i hre mai thei a, i hre miah lo thei bawk. 

Bible chuan Sam 34: 18 ah chuan hetiang hian a sawi, “Thinlung taka lungchhiate chu LALPAN a hnaih ṭhîn a, Rilru taka inchhîrte chu a chhandam ṭhîn,” tiin. Chu chu engtin nge a tih? Chu chu kan thinlung min thlaksak hmangin min tihsak a ni. Chu chu dik tak chuan a thiam zawng tak a ni. 

Chuvang ngeiin Pathian chuan, “I thinlung sual aiah khan, ngaihdam tawh thinlung chu ka lo pe ang che. Huatnaa khat thinlung aiah chuan, muanna khat thinlung ka lo pe ang che. Lungkhama awm thin thinlung aiah chuan, huaisenna nei thinlung ka hlan ang che. Khawhara awm thinlung aiah chuan, hmangaihnaa khat thinlung ka pe ang che. Thinlung khakna leh thinrimna i nei em? Ngaihdamna leh hmangaihna leh thilphalnaa khat thinlung ka pe ang che. Ka tizalen ang che.” 

Eng vangin nge zalenna chu kan mamawh? A chhan chu sal-beh kan nih vang a ni. Mite beiseinaa sal beh kan ni. Hun kal tawh hriat reng na chuan min uai bawk. Hun lo la kal tur hlauhna pawhin min phuar fo bawk. Tun huna buaina pawhin min uai rit hle zel. Mite ngaihdan chuan salah min siam a, chutiang chuan thil tam tak a inkahputchaw a ni. 

Mahse i tih tur awm chhun chu Isua Krista tana i thinlung hawnsak a, i thinlung zaa za hlan chu a chhanna a ni. Sam 119: 32 a Davida sawi ang khan sawi ve ang che, “I thupêk chu châk takin ka zâwm a, Ka rilru hi a tizau ta,” tiin.

Pathian nihna chu kan kharkhip tur a ni lo! Kan nun chu engtianga ropuiin nge hman a duh tih ka hre thiam lo hial zawk ang. I thinlung kha hawnsak la, i thinlung chu nangmah thinlung nen chuan thlak thleng phalsak ang che. 

Ngaihtuah zui atan. 

I thinlung a kehsawmna hmunah chuan Pathian chuan engtin nge a chhandam che? 

Engtikah nge Pathian chuan i thinlung chu a thlaksak che, i thinlung buai chu ama ta nen a thlaksak che? 

Pathian nihna chu engtiangin nge i lo kharkhip tawh? Engnge a nghawng ni chiah? 

Isua chu vawiin hian i zui dawn em? 

Bible chuan hetiangin a sawi, “Pathianin khawvêl a hmangaih êm êm a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zâwk nân.” [Johana 3: 16]

Chatuan nunna chungchanga Pathian thutiam hlen tur ring tur chuan i lo inpeih tawh em? A nih chuan, he ṭawngṭaina tawite hian han ṭawngṭai teh: “Lalpa duhtak, Isua Krista chu I Fapa a ni tih ka pawm a. Ka sualte thupha ka chawi a, i ngaihdamna chu ka dil a ni. Isua chu ka sualte la bo turin a thi a, i kai tho leh a ni tih pawh ka ring e. Isua chu Chhandamtuah ka pawm duh a, vawiin aṭang hian ka Lalpa atana zui turin ka inpeih e. Ka nun hi hruai la, a duhzawng tih min zirtir ang che. Isua hmingin ka dil e. Amen.”

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...