_Rinna Huaisen_
By Rick Warren
— May 14, 2024
“Chutichuan, chhel taka a tuar chhuah hnuin thil tiam chu a hmu ta ngei a.” Hebrai 6:15
Lalpa i nghak mek anih chuan, nghahpui tam tak i nei tih hria ang che.
Mithianghlim tam takte pawh hi Pathian nghaktu anni ṭhin tho. Nangmah chauhin i nghaklo anih chu! Tunah hian nang pawh i nghak ve mek a ni — hna chungchangah emaw thildangah ani emaw nghah i nei maithei e - nangmah ang hi mi tamtak an awm ve a ni tih hria ang che..
Hebrai 11:2 ah chuan kal hmasate khan dawhtheihna an neihzia hriain, “Chu miah chuan upahote khan fak an hlawh si a,” a ti a ni.
Hani kha han ngaihtuah teh, Pathian hnenah kum tam tak fa dilin a ṭawngṭai a ni.
Josefa kha han ngaihtuah teh, naupangtein Pathian pek rorel thiamna a nei a, nimahsela kum 14 chhung sual vang pawh ni miahloin taninah a nghak a ni.
Mosia kha han ngaihtuah teh, kum 40 chhung thlalerah Pathian thiltum leh tihtur a pek tur hre turin a nghak a ni.
Abraham kha ngaihtuah teh, Pathianin fa pek tiam mahse, Isaaka nei turin kum 100 a nghak a ni.
Nova kha ngaihtuah teh, kum 120 lai ruahsur nan a nghak a ni.
Davida kha ngaihtuah teh, lal a nih tur thu hriattir ni tawh mahse lal in hmuhtir ni hmasa lovin Beram venna lamah kaltir a ni zawk a ni.
Pathianin a tiam tawh Messia lo tir turin kum sang chuang a nghak a. Isua pian hmain kum 400 chhung chu chhanchhuahna nghaktute hnenah Pathian a ngawi a ni.
I nghah chhung chu rei hle angin lang mahse. Hun kaltaah khan nangmah aia nghakrei, nimahse Pathian ṭhatna leh a thutiam ring tlat si tam tak an awm a ni.
Kan hmanhmawh ṭhin a. Nimahsela Pathian chu a hmanhmawh ve lo. I rinna kawngah rinna hi a pawimawh a, chuvangin Pathianin nangmaha a duh chu tipuitling turin a la hmang dawn chauh che a ni.
Hebrai 6:15 ah kan hmu a, “Chutichuan, chhel taka a tuar chhuah hnuin thil tiam chu a hmu ta ngei a.”
I nghah lai hian, rinawm taka Pathian nghaktuten an beisei aia nasaa Pathianin a chhanna te kha hrereng ang che. Rinawm taka i nghah theihnan dil ve ang che.
Ngaihtuah zui atan
* In khawtlanga miten i nghah mek lai hian engtin nge an ṭanpui theih che?
* I nghah mek lai chuan engte nge Pathian thutiam i beisei theih te chu?
* Engvangin nge rinnaah chuan nghah chu a pawimawh?
*Khawiah nge i chatuan hmun i hman dawn?*
Kan vai hian kan sual vek a – mahse Pathian chuan a hmangaihna leh ngaihdamna a lantir a.
Bible chuan vanram chu Pathian rinna Fapa, Isua Krista kaltlanga in neih chauhin in lut thei ang a ti a. Vanram chu nangmaha i hlawhchhuah mai theih a ni lo. “Rinna avanga khawngaihnaa chhandam in ni; nangmahni thawhchhuah a ni lo va, Pathian thilpek a ni; thiltih avang a ni lo ve, chutilo chuan miin an chhuang dah ang e.” Ephesi 2:8-9
I sualna te i puang duh aniha, i nunah Isua i thlang duh anih chuan, heti hian tawngtai ang che.
“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a ni.
“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”
Hetianga i tawngtai a nih chuan, Rick@PastorRick.com ah hian emai min lo thawn la. Isua nena zinkawng i zawhtanna atana pawimawh te a thlawnin ka lo thawn ang che.
*[Lettu: Sangpuia]*
No comments:
Post a Comment