_Rinna Huaisen_
- Rick Warren
- May 05, 2024
_"Mittui tla chunga buh chî tuhtute chuan hlim takin an seng dâwn a ni. Ṭap chungin buh chi feh chhuahpui mah sela, an buhphalte kengin, hlim takin an lo hâw leh ang."_ (Sam 126:5-6)
Hriatna ni lovin rinna a chi i tuh a ngai.
Nitin hian loneitute hi an lo a kal turin tha tho taka an thawh ziah i ring em? Chutiang a ni lo, hna hahthlak tak a ni. Mahse, an peih chang chauhvin loneitute hian thawk ta se seng tur an nei mang lovang. Thawh hma an peih lo maithei. Lo vah te, thlai chi tuh te leh a seng te pawh an peih lo maithei e. Mahse, an ti tho a ni.
Kan inpuang lawk ange: mi chunga ṭhat chhuah reng hi ka peih loh chang a awm ṭhin. Ka pawm duhzawng chu a ni lo! Awmherh ve deuh te pawh ka chak ṭhin a. A chang chuan 'Min kalsan ru' tih mai te pawh ka chak ṭhin. Ngilneih reng te hi ka peih lova, ṭhahnem ngaih reng te pawh hi ka peih lo ve ṭhin. Mi te beiseina pek reng te pawh hi ka peih lo ve bawk ṭhin.
Mahse, ka thinlung duhzawng angin ka nung lova. Rinna a nun ka thlang zawk a ni. Ka chauh chang te pawhin ka tuh a, rilru peng ṭeuh chung te pawhin ka tuh bawk ṭhin. Ka chauh chang pawhin ka tuh bawk a. Lungngaihna thuk tak ka neih lai pawhin ka tuh tho bawk. Pathianin min duh angin ka thinlung duhzawng ang ni lovin rinna in ka kal ṭhin.
Kum khat chu Saddleback Kohhranah ka fapa thih champha a lo thleng dawn a, chutih lai chuan Biak In a awm ka duh lo em em a. Easter a hnai tawh bawk si a, chu thawhlehna ni ropui chu Pathian leh ka chhungte nen kan inah hmang ila tiin chumi ni chu hman liam ve mai ka tum rilru deuh a.
Kartluan mai khan mittui nen hun ka hmang a ni ber a, tichuan; Sam 126:5-6 hi ka hmachhuan ta a, _"Mittui tla chunga buh chî tuhtute chuan hlim takin an seng dâwn a ni. Ṭap chungin buh chi feh chhuahpui mah sela,an buhphalte kengin, hlim takin an lo hâw leh ang."_
Engnge lo thleng in hria em? Easter inkhawm 14 laiah chuan chi ka tuh a, mi 2604 Pathian hnena inpe duh Lalpan min pe a nih chu. Mittui tla chunga tuhtute chuan hlim takin an seng leh ang. Khang mi zawng zawng te khan ka rilrua ka duhzawng anga ti lova, rinnaa ka tih avangin vanram an lut dawn a ni.
A chang chuan Pathian hian in sum te hlan turin a phut ang che u, i hun te, i thiamthil te leh i nun ngei pawh. 'Ka peih lo' tih te pawh i chak rum rum ang. Chutiang a i tih vaih chuan, nangmah kaltlanga Pathian malsawmna luangchhuak tur kha i hloh thei a ni.
Ngaihtuah zui a tan.
I nun tam zawk i hriatna hmangin i lo nung tawh em? Engvangin nge hetiang a nun hi a awlsam em em zawk a i hriat?
Rinnain nung ta la i nun kha eng angin nge a awm ang? Eng kha nge inthlak danglam ang?
Rinnaa chi tuh turin eng nge hlan turin Pathianin a phut che?
*Khawiah nge chatuan hun i hman dawn?*
I sualna khan Pathian lak ata a tihrang che a. Pathian khawngaihna chauh hi amah nena inzawmna dik neih leh theihna kawng chu a ni.
Bible chuan heti hian a ti, _"Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e."_ (Ephesi 2:8-9)
Siamtu Pathian nen inzawmna nei tura i inpeih anih chuan heti hian ṭawngṭai rawh le:
"Isu, he ka sual hian i lak aṭanga min tihhran reng hi ka duh tawh lo ve. Nang ka rin che chuan thilsual ka lo tih tawhte min ngaidamin vanrama luttlakah min pawm ang tih min tiam a.
"I hmaah ka sual te puangin min chhandamtu i ni tih ka pawm e. Ka sual te ka puana nang ka rin che chuan chhandama ka awm tur thu min tiam a. Chhandamna chu thil dang ni lovin rinna avanga khawngaihnaa lo thleng a ni i tihah hian ka ring che. Ka Lal atan ka thlang a che. Vawiin hian ka nun zawng zawng i tan ka hlan e.
"Min siam dan anga nunga ka nun zawng zawng i tana hman ka duh e. I tan ka inhlan a, min chhandam a, i chhungkuaa min pawm turin ka dil a che. Isua hmingin, Amen."
Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.
[Lettu: Mapuia Fanai]
No comments:
Post a Comment