Friday, April 26, 2024

PATHIAN ROPUI TAK NEI I NIH VANGIN SUANGTUAHNA [DREAM] ROPUI TAK NEI RAWH

_Rinna Huaisen_

By Rick Warren
— April 26, 2024
 
“'Tichuan, keimahnia thawk ṭhîn thiltihtheihna ang zêlin, kan dîl leh kan ngaihtuah zawng zawng aia nasa zâwk ti theitu hnênah ngei chuan.” [Ephesi 3: 20]
 
Pathianin i tana suangtuahna [dream] a neih chu nangmahin i lo hisâp ve fo tawh aia lian zawk daih a ni. Eng vangin? A chhan chu chatuan hawlh tlang a nih vang a ni.  
 
I suangtuahna engemawzatte chu duhthusam i lo neih tawh aia ropui/lian fe a ni thei a, mahse chu chu a pawimawh ber kher lo vang. Kum engemawzat i nih hnua pa hausa tawntaw [millionaire] nih chu i duhthusam suangtuahna a lo ni thei a, mahse eng atan nge chu chu? He khawvelah hian Pathian chuan nangma tan maia nung turin a dah chein i hria em? Aih! Pathian suangtuahna [dream] chu i duhthusam lo neih ve te ai chuan nasa takin a lian fe zawk.  
 
Ephesi 3: 20 chuan hetiang hian a sawi, “'Tichuan, keimahnia thawk ṭhîn thiltihtheihna ang zêlin, kan dîl leh kan ngaihtuah zawng zawng aia nasa zâwk ti theitu hnênah ngei chuan,” tiin.
 
I nuna duhthusam i neih tawh zinga a ropui ber chu han ngaihtuah teh, chu duhthusam chu i lo chhui zui chiam tawh lo pawh a ni thei. Hmathlir sang tak i lo neih ve a tak taka tih theih miah loh tur anga lang chu eng nge ni? Han ring chhin teh: Pathian duhthusam chu a la ropui zawk daih ang. “I lo suangtuah tawh zawng zawng aia ropui zawk” a ni thei.  
 
I duhthusam [dream] ropui ber han mitthla teh. I hmathlir ropui ber chu han ngaihtuah bawk la. Chung zawng zawng
chungah chuan Pathian chu a la awm fan ang.  
 
Pathianin thil paltlang tura a duh che chu i lo ngaihtuah lawk vak thei lo vang. I theihna atanga chhuta a aia tlem zawk feah chuan i nun chu a lo awm reng a ni thei.
 
I nunah chuan Pathianin tithei tura a pek che chu tlawmte bak an hawipui dawn lo che. Pathian chuan suangtuahna ropui tak chu min hnutchhiah a ni.
 
Pathian chuan duhthusam [dream] ropui tak nei turin a duh che. Chu i 
duhthusam [dream] chu ti thei ve anga inngaihna hmunah ni lovin Pathian a chetna hmun zawk chu  a ni. Chutah chuan rinna tarlan a ni a. inrintawkna tarlan a ni bawk.
 
Kum tam tak liam taah khan Saddleback kohhran chuan ram acre 120 vela zau chu an lei a. Chu chu Disneyland aiin a lian zawk. Tlangkama an sawi chu “Ram acre 120 a zau lei chu chu engtin nge ni dawn le?    
 
Chu chu ka hriat chhuah chuan, “Chu chu Zawhna dik lo a ni. Zawhna awm ang zawk chu hei hi “Pathian chu tu nge nia kan hriat? Suangtuahna lian tak kan nei, a chhan chu Pathian chuan Saddleback kohhran tan thil tum lian tak a nei a ni.

I tan pawh thil tum lian tak a nei a. I tana Pathian hmuh dan tiat chiah chuan thiltum i hmu thei ang.  
 
Ngaihtuah zui atan.
 
Suangtuahna pakhat tihhlawhtlin ngei tur chu nei dawn ta ila engtin nge ni ta ang.
 
Pathianin duhthusam [dream] I tana a lo nei chu pawm harsa tih chang i lo nei em? A nih chuan eng vangin nge ni?  
 
I hmachhawp i tihhlawhtlin theihna turin tawngtainain bul tan la i thiltum a chiang lehzual sauh ang a, chu chuan I hmabak I hmachhawn kawngah chuan khawvel hmaah thiam a chantir thei ang.
 
[*Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...