Thursday, April 4, 2024

PATHIAN MISSION HLEN TUR CHUAN RINNA NEN CHET A NGAI

I Nun Thiltum Puanchhuahna

By Rick Warren
— April 04, 2024
““Tho la, khawpui ropui tak, Ninevi-ah chuan kal la, an sualna chuan ka hma a lo thleng ta tih hrilh rawh.” [Jonah 1:2]

Pathianin Jonah a mission a pek chiah khan rinna nasa tak nena chet a ngai nghal a ni. Dik tak chuan, chu a kawng zawh tur chu a huphurhawm em avangin Jonah kha a tlan bo hial. 

Chutih lai chuan, Ninevi chu khawvela khawpui lian leh pawimawh ber a ni phak a ni. Assuria hote khawpui  ani a, a hun laia lalram chak ber a ni. Ninevi chu khawpui mawi tak niin Kawngpui zau tak, huan, tui kawng, insak ropui, lal in leh temple te a awm bawk. 

Mahse khawpui sual tak leh chimawm tak an ni. Assuria hote chuan an kawng lo awm tawh phawt chu an rawtsawm barh a, a bang hote chu chi inthliarna hmangin an tirethei thin. 

An zinga Jona thuchah sawi tur kha chuan rinna nasa tak a ngai hial awm e. Eng vangin? Pakhatna, Jona kha thingtlang khaw te takteah a lo piang a. Mahse chuti chung chuan Pathian chuan khawvela khawpui lian bera rawngbawl turin a ko. Chubakah chuan, chu khua chu mel 550 chuanga hla a ni. A hmun thlen hrim hrim pawh thil awlsam a ni lovang.  

Chung zawng zawng piah lamah chuan, Assuria mite chuan an man a, an tirethei a, salah an tantir a ni vawi eng emaw zat chu. Assuria mite chuan Israel hote chu an haw hle a, Israel mite pawhin Assuria hote chu an haw hle. An leido kumhlun an ni a. Politics zawnga an hmelma an ni bawk. Sakhuana zawnga an hmelma an ni lehzel a. An hnam hmelma an ni bawk. 

Mahse Pathian chuan chung mite chu a chhandam duh tho, chuvangin Jona kha rawngbawl turin a tir a nih kha. Mahse, Pathian thu chu awih mai lovin, Pathian ruahmanna lak atangin Jona chu a tlanchhe ta a ni. Rinna hmanga ke pen a ngaihna hmun chu a tlanchhiatsan ta a, a zawh leh zawh loh chu a ngaihtuah thleng lo hrim hrim. 

Jonah mission ang khan, Pathian pek mission chuan i rinna a finfiah ang. I nawmna lai takte chu a rawn su buai ang a. Thu lai i lak thiam lohna pawh a rawn su buai thei. I politics pawh a rawn do thei. 

I nunna Pathianin mission a dah erawh chu rinna tel lo chuan thawh theih a ni lo. “Rinna lo chuan Pathian tihlâwm rual a ni lo. Tu pawh Pathian hnêna lo kal chuan Pathian chu a awm ngei a, amah zawngtute tihlawhtlingtu a ni tih an ring tûr a ni” tiin [Hebrai 11: 6].

Jonah-in a zir chhuah tak chu Pathian chuan kan rawngbawlna kawnga a rahbi tinte chu kan mission kai hruai a, kan mamawh te pe turin a buatsaih a ni tih chu a hre chhawm ta zel a ni. 

Chutichuan, kal ula, hnam tina mi zirtîrahte siam ula, Pa leh Fapa leh Thlarau Thianghlim hmingah chuan baptis ula, thu ka pêk zawng zawng che u pawm tûrin zirtîr rawh u. Tin, ngai teh u, kei kumkhuain, khawvêl tâwp thleng pawhin, in hnênah ka awm zêl ang,” tiin (Matthew 28:19-20 NIV).

Ngaihtuah zui atan

Eng laiah nge Pathian mission zuia kal chu thil hlauhawm ber a nih? 

Pathian tihlawhtling tura a hlauhawm lai ber chu eng nge ni? Engvangin nge?

Rinnaa pen tura i inbuatsaih lai chuan Pathian awmpuina chu engtin nge nangmah leh nangmah i inhriattir ang? 

*Vawiin hian Isua i zui peih dawn em?* 

Rinna kawnga I tana rahbi pawimawh hmasa ber chu I chhandamna atana Lal Isua rin chu a ni. Isua hnenah I nun I hlan tawh a nih chuan heng thute hmang hian tawngtai ang che.  

“Lalpa duhtak, a dera nun kual vel a mite tihlâwm tuma tlan vel chiam chiam te hi ka ning ta e. Ka rilru natna leh hrehawmna hriat chhuah fote hi ka hne ta hle mai. Mite hnawl ka ni palh ang tih hlaunain ka nun inthukru tura min tihdan leh mite laka inzep reng renga nun hi ka ning ta. Heng zawng zawng hi kalsan vek ka duh e.” 

“Lalpa, ka nuna zahna, inchhirna, thinrimna leh rilru buaina min thlentu zawng zawngte hi i hnen thlen ka duh e. Chutianga nun hman chu ka duh tawh miah lo! Zalen taka nun a, Krista Isua chauha awm nun hlimna kha neih ve ka duh e.” 

“Lalpa duhtak, Isua Krista chu i Fapa a ni tih ka pawm a. Ka sualte thupha ka chawi a, i ngaihdamna chu ka dil a ni. Isua chu ka sualte la bo turin a thi a, i kai tho leh a ni tih pawh ka ring e. Isua chu Chhandamtuah ka pawm duh a, vawiin aṭang hian ka Lalpa atana zui turin ka inpeih e. Ka nun hi hruai la, a duhzawng tih min zirtir ang che. Isua hmingin ka dil e. Amen.”

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...