By Rick Warren
— April 05, 2024
“Jona chu sangha kawchhûng aṭang chuan a Pathian, Lalpa hnênah heti hian a ṭawngṭai a.” [Jonah 2:1]
Hringnun chuan a dawlh mek chea hriat chang i nei em? Beidawnna, innghirnghona, lungngaihna leh inthiam lohna te chuan an hual vel che a ni thei a – beisei bova khawsak chang pawh i nei hial mai thei.
Tun dinhmunah chuan chutiang chu i nih tawh loh hram ka beisei, mahse a chang chuan i la buai thei tho bawk. I hmangaih i chan a ni thei a, i hna leh hriselna i chan a ni thei bawk.
Dinhmun khirhkhan tak i hmachhawn mek a ni thei a, Jonah thil tih kha ngaihtuah rawh.
Pathianin a hna tura a pek a tlansan lai khan, Pathian chuan Jona dawlhtu tur kha a lo ruahman lawk a ni. Chu sangha chhunga lungngai taka a ṭhut lai chuan Jonah chu van lam hawiin Pathian a en ta a.
Dik tak chuan, Jona lehkhabua bung hnihna pumpui chu tuifinriata sangha chhunga a pil riai riai laia Jona ṭawngṭaina thu inziak a ni ber. Kan tana zirlai pawimawh tak chu buainain min chim mup mup lai chuan Pathian lam thlira kan ṭawngṭai chu a ngai a ni.
Jonah lehkhabu bung khatna chang hmasa ber aṭang chuan Jona Pathian lam a hawi thu i hmu ang: “Jona chu sangha kawchhûng aṭang chuan a Pathian, Lalpa hnênah heti hian a ṭawngṭai a.” [Jonah 2:1]
Hringnuna buaina tam berte hi chu Pathian lam hawia kan ṭawngṭai hma chuan a chhanna kan hmu ngai lo vang.
Marka 9 ah chuan Isua zirtir ṭhenkhatte chuan ramhuai mi tu emaw kaw chhung aṭangin hnawhchhuah an tum a, mahse an thei lo tih kan hmu. Isua a chhan an zawt a.
Isua chuan hetiang hian a chhang a, “Hetiang hi zawng ṭawngṭaina chauh lo chuan engti dang mahin a hnawh chhuah theih loh,” tiin [Marka 9: 29]
Buaina ṭhenkhat zung kaih thuk deuhte chu tihtakzeta ṭawngṭaina nen lo chuan chinfel theih an ni lo. Vawi khat ṭawngṭaina mai a ni lova. Thil eng pawh vawi khat chauh ṭawngṭaia dil tlaka i ngai a nih chuan chu thil chu i ngai hlu tawk lo tihna a ni. I nun khawih che tham eng emaw hmuh i duh a nih chuan vawi tam tak i dil nawn mawlh mawlh ang.
Pathianin a chhan hma che a dil ngat ngat duh khawpin i thil dil chu i duh leh duh loh a hre duh. Rinnaa thuam chak che chu i dilna te thawm zawk chhan che ai chuan a ngai pawimawh zawk.
Vawiin hian beiseina i nei lo a nih chuan Pathian lam thlir la, nasa zawkin ṭawngṭai rawh. Beidawng mai suh!
Ngaihtuah zui atan.
Kan beidawn chang chuan thil dang kan tih vek hnuah chauh eng vangin nge kan ṭawngṭai?
I nun khawi lai kha nge ṭawngṭaina chuan i lo hlan fan fan?
I nun khawi laiah khan nge beidawn em em a ṭawngṭaina mamawh em ema i inhriat? Chu buaina chu chingfel turin tu nen nge in lo ṭawngṭai fan fan ṭhin?
[*Lettu*: Peka]
No comments:
Post a Comment