Monday, April 22, 2024

ENGPAWH I NEIH KHA PATHIAN TAN A TAWK RENG

_Rinna Huaisen

- Rick Warren
- April 22, 2024
"Isua chu a han hawi vêl a, mipui nasa takin amah an rawn pan chu a hmu a, Filipa hnênah, “Hêngho hraina daih tûr chhang khawiah nge kan lei ang?” a ti a. Chu chu Filipa fiah nân a sawi a ni; a tih tûr chu amahin a hre vek si a.“
‭‭Johana ‭6‬:‭5‬-‭6‬ ‭

Chhangper panga leh sangha pahnih chauh hmanga mipui sangnga lai Isuan a hrai thu kha i hre tawh em? Mak deuh mai chu, mi sangnga zingah mi pakhat chauhin a chawchhun a rawn keng a nih kha. Mi tam tak khan a rukin an chaw paite kha mi dang ei ve an phal loh avangin an thuhruk ka ring tlat!

Mahse mipa naupang pakhat chuan a chaw chhun atana chhang leh sangha ro a ken te chu a hlan a. Thil tlemte a neih chu Isua a pe a, Pathian chuan mipui hraina atan a hmang a ni mai lova, a ngaihsak hlawmzia leh thil a tih theihzia a tarlang bawk a ni. 

Pathian chuan i neih atang khan bul a tan mai thin. Hun i ngah lo mai thei. I bungraw neih pawh a to viau lo maithei. Talent pawh nei vakin i inngai lo maithei.

Mahse i nuna engkim kha Pathian hnenah i pe thei a. I thinlung, i nun hlui, i tun nun, i hmalam leh i ngaihsakna zawng zawng nen. A tam lua lo maithei, mahse i chhang per panga leh sangha pahnih kha i pe thei a ni.

Johana 6:5-6ah Isua chuan, "Hêngho hraina daih tûr chhang khawiah nge kan lei ang?” a ti a. Chu chu Filipa fiah nân a sawi a ni; a tih tûr chu amahin a hre vek si a" a ti a ni.

Isua khan mipui 5000 hrai dan turah khan a buai lova. A tih tur kha a rilruin a hre vek tawh. A zirtirten an sawi hma daih khan a lo hre vek a. Ruamhmanna a  nei a ni.

Vawiin hian he thutak hi i hriat a ngai: harsatna chu engnge a nih i hriat hma pawh khan Pathian chuan a chinfel dan tur a lo hre diam tawh a. I chinfel theih loh buainaah khan Pathian a buai ve lo. Isua tan chuan a la tlai ve ngai lova. I hmuh hmain i harsatna a hria a. A lo thleng dawn tih a hria a, remruatna a lo nei diam thin. I harsatnaah, harsatna a ni tih i hriat hma khan a chhanna Pathian chuan a lo nei vek thin a ni.

Chuti engvangin  nge i mangan? Mahni a i chinfel theih loh buaina i nei tih kha inpawm mai la, i neih zawng zawng Pathian pe la. I chhang chu pein, chung hmanga ruai a ṭheh chu han thlir ta che.

Ngaihtuah zui atan...

Harsatna chinfel theih loh i hmachhawnin, i neih thilte i ngaihtuah vat thin nge Pathian thutiamah zawk i thlir thin? Engvangin nge?

Pathian hnena thil pek chu engnge a awmzia?

Thilmak a tih hmain Pathian hian engvangin nge kan neihte a hnena hlan a duha i rin le?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...