_Pathian Nena Thawhdun
- Rick Warren
- March 24, 2024
_"Tichuan a neih zawng zawng chu Josefa kutah a dah tlat a, a hnêna thil awm rêng rêng chu a hriatpui hauh lo va, ama chaw ei chauh lo chu a hre lo."_ (Genesis 39:6)
Hnathawhna hmun i pute thusawi hriat nuam ber chu, "Ka lungngai lo" tih hi a ni, a chhan chu i rintlak, innghahtlak, i nghet tihna a ni. I chungah an innghat thei.
Genesis 39:6-ah chuan heti hian kan hmu, _"Tichuan a neih zawng zawng chu Josefa kutah a dah tlat a, a hnêna thil awm rêng rêng chu a hriatpui hauh lo va, ama chaw ei chauh lo chu a hre lo."_
Ei leh in chauh ngaihtuah a ngaihna hna i thawk duh em? Potifara khan a chhiahhlawh ni ṭhin Josefa chungah rinna a nghat a, a rintlak tih a hriat avangin thutlukna siam thei turah a chungah mawhphurhna a dah a ni.
Chuvang chu a ni Josefa kha a kaisan zel ni. A chunga thuneitu apiangin, "Ani chu nunna zawng nen ka ring a ni" an ti thei zel. Tân in a a tan laiin, Josefa chu tân in vengtu chuan a duhsak hle a, tân in zawng zawng chu Josefa kutah a dah hmiah mai a ni. Chutiang khawp chuan a ni tân in vengtu chuan Josefa chu a rin ni. Josefa chu a rintlak a - chuvangin, Josefa'n thuneihna a chan chuan tân in vengtu pawhin lungkham tur reng a nei lo.
I thutiam leh mawhphurhna te, mahni inpumpek a ngaih pawha i hlen khan miten i chungah rinna an nghat ṭhin a, chu chu mi rintlak nihna chu a ni.
Josefa khan rintlak nih dan a thiam. A mawhphurhna a hlen ṭhat em avangin kaisantir zel a ni. A natna tur, a chânna tur leh inhlan hial a ngaihna tur thil pawh ni mahse a thuah a ding nghet tlat ṭhin. Chutiang mi chu i ni tiin an sawi ve che ang em?
Ngaihtuah zui atan.
Mi rinawm te hi engin nge nawr kal ni a i rin?
Tunkar chhung hian engtinnge i pu te leh i thawhpuite hmuhah i rintlak a ni tih i lantir theih ang? Chutianga i tih chuan engtinnge i hna hlen chhuahna kawngah a puih ang che?
Engvangin nge mi rintlak te hi an hnathawhnaa ding chhuak an ni ṭhin ni a i rin?
[Lettu: Mapuia Fanai]
No comments:
Post a Comment