_Pathian Nena Thawhdun_
- Rick Warren
- March 09, 2024
_"Pathianin in za vaiin theihna bik a pe ṭheuh che u; chung chuan rawng inbawltawn ṭheuh rawh u, midangte chungah Pathian malsawmna tam tak pe chhawng zelin."_ (1 Petera 4:10, TLB)
Sum aiin thil awmzia hi a pawimawh zawk. Vanram i luh hunin Pathianin, "Sum engzat nge i thawh chhuah?" tiin a zawt dawn lo che. "I nun awmze neiin i hmang em? Theihna ka pek che kha i hmang em?" tiin a zawt ang che.
1 Petera 4:10-ah chuan heti hian kan hmu, _"Pathianin in za vaiin theihna bik a pe ṭheuh che u; chung chuan rawng inbawltawn ṭheuh rawh u, midangte chungah Pathian malsawmna tam tak pe chhawng zelin."_ (TLB)
A awmzia chu, i tana hna ṭha ber chu i theihna pho chhuak ṭha ber kha a ni. Pathianin tute mai pawh hi thil danglam taka ti thei turin min siam a. Thil hrang hrang tih kan duhna chhan chu thil zawng zawng tihna a awm theih nan a ni.
Kan nun awmze neia hmang tura duan kan ni. Nangmah aia ropui thil tih nana i theihna te i hman khan mi zawng zawng an hlim a, nangmah pawhin i hlimna ber i tawng. Chu chu a ni i nun awmzia neihtirtu chu.
Khawvela chhan nei lian ber chu Pathian ram hi a ni. Chu chu kohhran hi a ni. Khawvel awm chhan bul ber chu engtik niah emaw amah nena chatuana chengho tur chhungkua a din theih nan a ni. Pathian ram tana i nun hlan tluka thil hlu leh awmze nei dang engmah a awm lo.
Isua kha kum 12 anih kha engnge a tih tur a hre thlap tawh. _"Ka pa hna ka thawk tur a ni tih in hre lo em ni?"_ tiin a sawi (Luka 2:49, NKJV). A nun tawp lamah a Pa hnenah heti hian a sawi, _"Nangin thil tihtur mi pek kha ka ti zo va, khawvelah ka chawimawi tawh a che."_ (Johana 17:4). Chu chu nun ṭha taka hman bul ṭan leh tawp dan chu a ni.
Engnge i tih tur chu- eng hna nge i thawh atan Pathianin a pek che? Chu i hna chu engtin zel nge i kalpui? Chu chu i nuna zawhna pawimawh tak i inzawh fo tur chu a ni.
I nun khawhral mai mai suh. Pathian hnenah eng thawk turin nge a beisei che tih zawt la, Pathianin theihna a pek che kha i nun a ṭha thei ang bera hman nan hmang rawh.
Ngaihtuah zui atan.
Pathianin eng theihna nge a pek che? Engtinnge i hnaah emaw i nitin nunah emaw i hman?
Engtinnge Pathianin a ram tan thil i tih theih nan danglam taka a duang che ni a i rin?
I hnaah emaw i nitin thiltihah emaw engin nge i lawmna ber thlen le?
[Lettu: Mapuia Fanai]
No comments:
Post a Comment