Thursday, February 8, 2024

I CHAKLOHNAIN KHAWVELA I THUHRETU NIHNA A HRUAI

I Nundan Thlirlet La

By Rick Warren
— Feb 08, 2024
 
“Tin, unaute u, ka chunga thil lo thlengte kha Chanchin Ṭha tihdarhna tûr a lo ni ta hlauh zâwk tih in hriat ka duh a ni.” [Philippi 1:12]
 
Khawvel hmaa thuhretu i nihna chu i chaknaah ni lovin i chak lohna aṭanga lo chhuak a ni.
 
Mi tam tak chuan a letling zawngin an hre tlat: khawvel hi Kristian-te hausakna chuan a hneh ni mai awmin an ngai. Chu chuan khawvel a hneh lo. Chutiang chu nitin an hmu! Ring lo mite chuan ringtuten harsatna, hlawhtlinna ni lovin, an hmachhawn dan chu an ngaihven zawk.
 
I hlawhtlinna ni lovin, i tuarna chuan i nun a titak zawk. I larna ni lovin, i rinawmna chuan zahawmna a pe zawk ang che.
 
Tirhkoh Paula kha thuhretu a nihna kawngah a natna kha a hmang thiam hle. Tan in thim atangin Rom kohhran tan lehkha a ziak a, “Tin, unaute u, ka chunga thil lo thlengte kha Chanchin Ṭha tihdarhna tûr a lo ni ta hlauh zâwk tih in hriat ka duh a ni,” [Philippi 1:12] tiin a sawi daih.
 
Paula chuan Pathianin natna a pek chu awmze nei takin a hmang mai. Tan ina kawl a bun lai khan Thuthlung Thar huna kohhran pawimawh tak pakhat hnenah chuan lehkha a thawn a ni.
 
Paula chuan, “Kan thiltih apiangah Pathian rawngbawltu dik tak kan nihzia kan tarlang,” [II Korinth 6: 4] tiin a sawi. Chu chuan engtin nge natna, hlawhchhawmna, tlawmna, buaina, thil tihsual, sual leh hringnuna thil ṭha lo lo thleng ṭhin in hmachhawn dan a tarlang a ni.
 
Thil ṭha dawngsawng thiam tur chuan Pathian thiltihtheihna i mamawh lo, tu pawhin an thei mai ang. Zawldawh taka tuar tur erawh chuan Pathian thiltihtheihna i mamawh ngei ngei ang.
 
Tuar puina tur chein khawvelin chhanna mumal pek tur che a nei lo. Mahse Krista zuitute chuan dawhthei taka an tuarna, harsatna, leh buaina chi hrang hrangte chu hmachhawnin Krista Chanchin Ṭha hriatpuitu angin an khawsa ṭhin.
 
I rawngbawlna hlawhtling ber berte chu nangmah i natna hmunah a thleng ang a – I hringnun thuchah ril ber berte chu nangmahin i natpui ber ber atangin a lo chhuak bawk ang.
 
I nuna natna i lo tuar tawhna hmun apiangah testimony i nei ang. Engtin nge chu chu miten Kristaa nun tam chu an hriat ve theih nan i ṭanpui ang?
 
Ngaihtuah zui atan
 
Eng vangin nge Pathianin ringtute nunah thil ṭha lo a thlen a phal. I chhanna neih chu tukin fianrial thuzir I zir hnu hian a danglam tawh em?
 
Pathian chakna chuan engtiang takin nge natna hmachhawn turin dawhtheihna leh chhelna a pek che?
Chutiang natna hrehawm i tuarna hmunah chuan i nuna Pathian ṭanpuina chu engtin nge i sawifiah theih ang?
 
[Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...