_Hmuh Theihloh Indona_
Rick Warren
19. 2. 2024
"”Pathian Thlarau hruaia awm apiangte chu Pathian fate an ni si a. Hlauva awm leh tûrin bâwih nihna thlarau in hmu a ni si lo va; fa nihna thlarau in hmu a ni zâwk e, chu thlarau avâng chuan ‘Abba’ (Ka pa) tiin kan au ṭhin hi. Thlarau ngei chuan, keimahni thlarau nên Pathian fate kan ni tih min hriattîr ṭhîn;“
ROM 8:14-16
Ka naupan lai chuan, ka hlau mai mai lova. Hlauthawng miah lovin ka tawngtai thin. Mahse ka hlauh vek vek chuan ka pa ka au vak thin. Ka rinngam tih ka hria a. A chak a, tupawh a hmachhawn thei a ni.
Chu chu nang leh kei pawhin kan hlauh chuan kan tih tur a ni. Kan Pa hnenah puihna dilin kan au tur a ni.
I hlauhna kha en lo la. I Pa Pathian lam hawi zawk ang che. Tanpui dil la! Rom 8:14-16 ah chuan heti hian a inziak a, ”Pathian Thlarau hruaia awm apiangte chu Pathian fate an ni si a. Hlauva awm leh tûrin bâwih nihna thlarau in hmu a ni si lo va; fa nihna thlarau in hmu a ni zâwk e, chu thlarau avâng chuan ‘Abba’ (Ka pa) tiin kan au ṭhin hi. Thlarau ngei chuan, keimahni thlarau nên Pathian fate kan ni tih min hriattîr ṭhîn;“ tiin.
Hlauhna damdawi chu hlauhna bawih ni lovin Pathian fa i ni tih thutak hi a ni. Pathian fa nihna hian engkim a ti danglam thei. Chhungkaw zinga mi i ni ta a. Chhungkua chu an in tanpui tawn thin.
Khawpui lian taka seilian lo ni ta la, i chhungkua chu chhungkaw pakhat -mafia (gang) an tih kha ni se la. Naupang i nihlai pawh khan miin tibuai che sela, "lo ngai mah rawh u ka nihna i hria em? Ka pa chu Guido a ni a. Min khawih in ngam chiah maw? Chhungkua ka ni a nia aw" i ti thei a ni.
Hlauhna i neihin chu chu Pathian ti tura a duh che a ni. A chhungkaw zianga mi i ni a, a fate a enkawl thin. I hnung a veng a. I hlauhna thlen thei zawng zawng chungah thuneihna a nei a ni.
Lei leh van siamtu fa i nihna hian engkim a ti danglam a ni.
I hlauh chuan tunge i nih kha hrechhuak thin la, eng chhungkua a tel nge i nih kha. Thlarau Thianghlim tanpuina in i tih tur zawng chu Pa koh kha a ni. I Paah chuan i innghat thei ang.
Ngaihtuah zui atan...
Thil dang zawng aia i hlauh engnge nile?
Chumi a i dinhmun dik tak engnge le? Pathian engtin nge a inrawlh?
I hlauhin, i nunhluiah Pathianin engtin nge a puih thin che. Chu a puih tawhna i hriat chuan tuna i hlauhnaah engtin nge a puih theih che?
(Lettu: Msa)
No comments:
Post a Comment