Thursday, February 29, 2024

CHHUAK VEK RAWH SE

Hmuh Theih Loh Indona

By Rick Warren
— Feb 29, 2024
“Ka tîsa leh vun a tisâwng a,
ka ruhte a titliak a.
Ka lakah dai a theu va,
khâkna leh hrehawmnain
mi hung;
Hmun thimah mi chêntîr a,
thi daih tawhte angin.
…A ni, ṭanpui ka ngena ka au
pawhin ka dîlna a khâr hnan a. [Tah Hle 3: 4-6, 8]

Kan nun a buai nuai hun hi kan lo paltlang tawh vek awm e. Hna kan chan a. Mite nena kan inlaichinna a chhia a. Ṭhenkhat an thi thung a. Kan hriselna pawh a chhe thut bawk a. 
Chutiang hunah chuan Pathian chuan min kalsan emaw tih mai a awl hle a – mahse a ni lo. 

Zawlnei Jeremiah kha Ṭah hla a ziah lai khan chutiang chiah chuan a awm a ni. A ram, Judai ram chu, ei leh barah an buaiin hmelmaten an rum ṭhaih chamchi a. Mipuite chunga sualna chu a mit ngeiin a hmu bawk. Mipuite chuan hna thawh tur tlachhamin an ṭam hlum tawp mai a ni. 

Jeremia khan khawiah nge bul a ṭan? A awm dan Pathian a hrilh: “Ka tîsa leh vun a tisâwng a,
ka ruhte a titliak a.
Ka lakah dai a theu va,
khâkna leh hrehawmnain
mi hung;
Hmun thimah mi chêntîr a,
thi daih tawhte angin.
…A ni, ṭanpui ka ngena ka au
pawhin ka dîlna a khâr hnan a. [Tah Hle 3: 4-6, 8]
 
Jeremia khan Pathianin a theihnghilh niin a ngai a. Mahse Jeremiah chuan a thil tawn chu a palzam mai mai lo. Pawn lama lan mawi pawh a tum lem lo. A thinlunga awm kha Pathian hnenah chuan a bun ruak mai a ni. Dik tak chuan, Jeremia khan a lehkhabua bung nga lai chu a dinhmun Pathian hnena a sawina chu a hmang a ni. Pathian hnenah “A rimchhia” tih thlengin a hrilh a ni. 

Bible ah chuan chutiang thu chu Pathian chuan eng vangin nge a telh? I thinrimna, i pumna, leh i lusunnate chu a chinfel thei a ni tih hriattir che a duh a ni. A thuziak pumpui chu a rilru hahna thawi damna atan a hmang hial a ni. Pathian chu Jeremia natna chingfel tura a lian tawk a nih chuan i buaina chingfel tur pawhin a lian tawk em em a ni.  

I rilru natna kha upbeh i tum chuan nangmah leh nangmah i inti na mai mai a ni. I pum chuan buaina a pai ngar ngar ang!

I rilru hahna chu Pathianah bun ruak zawk rawh. 
Ka fate an naupan deuh lai chuan han nuar ve te hi an ching fu mai a, mahse chu chuan anmahni ka hmangaihna a tinep chuang lo. Ka fate chu an la puitling tawk lo tih ka pawm a ni. Ka thil hriat chu an hre ve lo a ni. I tihtauh nghawr nghawr chang pawh khan Pathian chuan a hmangaih nep chuang lo che. Ani chuan i dinhmun hrilhfiah che a phu lo, i thil sawi tum chuan a tihlau ngai lo.  

I thil pawm dan chu amah hrilh mai rawh. I rinawmna leh i inngaihtlawmna chu i damna tur kawng rahbi hmasa chu a ni.  

Ngaihtuah zui atan. 

Pathian laka zep ngai i nuna thil awm chu eng nge ni? 

I buaina chu eng vangin nge Pathian lakah zep ngai a awm? 

I buaina chungchang kha Pathian hnenah lehkhaa ziakin han duang teh. I buaina te lehkhapuana ziah chhuah chuan engtin nge a puih che? A sawia sawi lova, a ziak ngeia Pathian hnena thlen chu engtiangin nge a awlsam zawk? 

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...